Վարանդայի (Ֆիզուլի) շրջանում այսօր` օգոստոսի 3–ին շարունակված զոհված եւ անհետ կորած համարվող զինծառայողների աճյունների որոնողական աշխատանքների ընթացքում հայտնաբերվել է 3 հայ զինծառայողի աճյուն: Եվս 3 աճյուն ադրբեջանական կողմը ռուսական խաղաղապահ առաքելության զորակազմի միջնորդությամբ հայկական կողմին է փոխանցել Մարտունու շրջանի Կարմիր Շուկա-Շեխեր համայնքների հատվածում: Այս մասին NEWS.am-ը տեղեկանում է Արցախի ԱԻՊԾ–ից։
Ընդհանուր առմամբ, այսօր Ադրբեջանի վերահսկողության տակ անցած տարածքներից տարհանվել է 6 աճյուն: Նրանց ինքնությունը կհաստատվի դատաբժշկական փորձաննությունից հետո: 2020 թվականի նոյեմբերի 13-ից առ այսօր որոնողական աշխատանքների արդյունքում տարհանվել է 1629 աճյուն:
