News
Լրահոս
News
Ուրբաթ
Մարտ 29
Տեսնել լրահոսը


44-օրյա պատերազմի քննիչ հանձնաժողովը կարող է լիարժեք գործել և բացահայտել ամբողջությամբ, եթե հանձնաժողովը տրվի ընդդիմությանը։ Այս մասին այսօր՝ օգոստոսի 4-ին, Ազգային ժողովի նիստի ժամանակ հայտարարեց «Հայաստան» խմբակցության ղեկավար Սեյրան Օհանյանը՝ պատասխանելով խմբակցության պատգամավոր Գեղամ Նազարյանի այն հարցին, թե պետք է արդյոք ստեղծվի քննիչ հանձնաժողով և ինչպես պետք է իրականացվեն դրա աշխատանքները։

«Իշխանական թևն ամբողջությամբ ունի այն գործիքակազմը, որը կարող է գործադրել և քննել պատերազմը։ Ապրիլյան պատերազմի ավարտից հետո ես հանձնաժողով եմ ստեղծել Պաշտպանության նախարարությունում, և այդ վեր հանված նյութերը հիմք են հանդիսացել Ազգային ժողովում քննարկելու համար։ Հանձնաժողովը կարող է լիարժեք գործել և բացահայտել ամբողջությամբ, եթե հանձնաժողովը տրվի ընդդիմությանը։ Հակառակ դեպքում՝ ես չեմ կարծում, որ անաչառ կերպով կգան այն մարդիկ, որոնք պետք է հարցաքննվեն և պատասխանեն բոլոր հարցերին։ Իսկ եթե այդպես չէ, մենք պետք է այդ դեպքում փաստահավաք խմբի մասին օրենք կամ նախաձեռնություն իրականացնենք, որտեղ իրավաչափ և հավասար մասնակցությունը հանձնաժողովում կապահովի լիարժեք քննություն և բացահայտում»,- նշեց Օհանյանը։

Գեղամ Նազարյանը նախքան Սեյրան Օհանյանի արձագանքելն իշխանության ներկայացուցիչներին կոչ արեց համեմատություններ անելուց առաջ չմոռանան, թե իրենք ինչ են արել։

«Հիշեք, որ 2018-ից հետո ձեր վարած արկածախնդիր քաղաքականության պատճառով մեր տուն պատերազմ ենք բերել և այդ պատերազմի արդյունքում ունեցել ենք հազարավոր զոհեր, հարյուրավոր գերիներ, տասնյակհազարավոր փախստականներ, հերոս տղերք, որոնք այսօր թև ու ոտք չունեն, ունեն հոգեբանական լուրջ խնդիրներ։ Հիշեք, որ ձեր առաջնորդը ցանկանում էր, որ իր հայրենի Իջևանում կարմիր բերետավորներն արյուն թափեն ընդամենը ծառ կտրող, դրանով իրենց տունը պահող կեղճ ու կրակ մարդկանց։ Համեմատություն դնելիս միշտ հիշեք, որ մինչև 2018 թվականն ադրբեջանցիները Գորիս-Կապան ճանապարհի վրա կանգնած չէին և մարդկանց անասունները չէին գողանում»,- ընդգծեց Նազարյանը։

Ապա Գեղամ Նազարյանը հարց ուղղեց Սեյրան Օհանյանին․ «Հանձնաժողովը պետք է զբաղվի միայն 44-օրյա պատերազմի՞, թե՞ նաև Սյունիքի դիրքերը շատ արագ ու տարօրինակ թշնամուն նվիրելու հարցերով»։

Սեյրան Օհանյանը նկատեց, որ հանձնաժողովը ստեղծելիս պետք է քննարկվեն պատերազմ ծնող պատճառները։

«Ի՞նչը բերեց պատերազմի, ամբողջ պատերազմական գործողությունները և պատերազմից հետո ամբողջ ազդեցությունը Հայաստանի ներքին և արտաքին քաղաքականության ու սահմանային իրադրության վրա։ Քննիչ հանձնաժողովն այդ ամենն ամբողջությամբ պետք է քննարկի»,- ասաց Սեյրան Օհանյանը։

Տպել
Կարդացեք նաև
Ամբողջը
Հայաստանի քաղհասարակության համատեղ զեկույցը ՄԱԿ-ի Խոշտանգումների դեմ կոմիտեին Ադրբեջանի 5-րդ դիտարկմանն ընդառաջ
Ժողովրդավարության զարգացման հիմնադրամը, «Իրավունքների պաշտպանություն առանց սահմանների» ՀԿ-ն, Թրանսփարենսի Ինթերնեշնլ հակակոռուպցիոն...
Անհայտ կորած եւ գերեվարված 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ մարտի 28-ի նիստում որոշում կայացրեց, որով…
Լեմկինի ինստիտուտը մտահոգություն է հայտնել, որ Ադրբեջանի վարչախումբը կարող է հաշվեհարդար տեսնել հայ գերիների հետ
Հաշվի առնելով այդ անձանց նկատմամբ մարդու իրավունքների լրջագույն խախտումների բարձր ռիսկայնությունը…
ՄԱԿ-ի հարկադիր և ակամա անհետացածների հարցերով աշխատանքային խմբին են ներկայացվել ութ հայ զինվորականների գործեր
Բոլոր գործերը ներկայացվել են տուժողների ընտանիքների հետ համագործակցաբար։ ՄԱԿ-ի մարդու իրավունքների խորհրդի կողմից ստեղծված հիշյալ աշխատանքային...
Ադրբեջանցիների կողմից հայերի գլխատումը նրանց ընտանիքի անդամներին հոգեկան տառապանք պատճառելու համատարած մեթոդ է. Զեկույց
Բացի այդ՝ զեկույցում անդրադարձ կա Ադրբեջանում բարձրաստիճան պաշտոնյաների կողմից հանցագործներին ուղղված գովասանքին...
Առանց Ռուսաստանի օգնության Ադրբեջանը չէր կարողանա վերադարձնել Ղարաբաղը. ադրբեջանցի քաղաքագետ
Նա մեկնաբանել է Ռուսաստանի դերը 44-օրյա պատերազմի ժամանակ...
Ամենաշատ