News
Լրահոս
News
Շաբաթ
Սեպտեմբեր 18
Տեսնել լրահոսը

Եվրամիությունը կաջակցի Իտալիային, Հունաստանին, Ալբանիային եւ Հյուսիսային Մակեդոնիային՝ կործանարար հրդեհների մարման գործում, որոնք ընդգրկել են Միջերկրական ծովի եւ Արեւմտյան Բալկանների տարբեր շրջաններ: Այս մասին ասված է չորեքշաբթի Եվրախորհրդարանի տարածած հայտարարության մեջ:

Ինչպես նշվում է հաղորդագրության մեջ, Ֆրանսիայից երկու հրշեջ ինքնաթիռ է ուղարկվում Իտալիայի տուժած շրջաններին օգնելու համար: Կիպրոսից Հունաստան եւս կժամանի երկու հրդեհաշիջման ինքնաթիռ եւ հրշեջների խումբ, որոնք կօգնեն ցամաքից հրդեհների դեմ պայքարին: Չեխիան եւ Նիդեռլանդները մեկական ուղղաթիռ կուղարկեն Ալբանիա, որոնք կաջակցեն տեղի փրկարարական ջոկատներին հանրապետության հեռավոր շրջաններում հրդեհների մարման գործում: Բացի այդ, 45 սլովենացի հրշեջ կմասնակցի փրկարարական աշխատանքներին Հյուսիսային Մակեդոնիայում, որտեղ հրդեհները մոլեգնում են երկրի մի քանի շրջաններում:

«Մենք աշխատում ենք շուրջօրյա` օգնություն տրամադրելու այն ժամանակ, երբ հրդեհները մոլեգնում են ամբողջ Եվրոպայում: Շնորհակալություն եմ հայտնում Կիպրոսին, Չեխիային, Ֆրանսիային, Սլովենիային եւ Նիդեռլանդներին` անտառային հրդեհներից տուժած երկրներին օգնելու նպատակով հրշեջ ինքնաթիռներ, ուղղաթիռներ եւ հրշեջ բրիգադ արագ մոբիլիզացնելու համար»,- ասել է ճգնաժամային կառավարման հարցերով հանձնակատար Յանեշ Լենարչիչը: Նա նաեւ ընդգծել է, որ «սա դժվարին պահերին ԵՄ համերաշխության գերազանց օրինակ է»:

Ավելի վաղ Եվրամիությունը սկսել էր օպտիմալացնել իր տնտեսությունը` կլիմայի գլոբալ փոփոխության հետեւանքով հնարավոր համակարգային բնական աղետներին նախապատրաստվելու համար: Եվրոպական հանձնաժողովը հատուկ կանոնակարգ է մշակել` ԵՄ-ում ենթակառուցվածքների և էներգետիկ օբյեկտների հուսալիության բարելավման նպատակով:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Համագործակցության համաձայնագիր է ստորագրվել ՀՀ ոստիկանության և Եվրապոլի միջև
Իրենց ելույթներում ՀՀ Ոստիկանության պետ գենեալ-մայոր Վահե Ղազարյանը և Եվրապոլի գործադիր տնօրեն Քերթին դե Բոլը կարևորել են համաձայնագրի…
ԵՄ-ն տեղյակ չի եղել ԱՄՆ-ի, Բրիտանիայի եւ Ավստրալիայի դաշինքի ստեղծման մասին
«Մենք իրականում չենք տեղեկացել այդ նախագծի կամ նախաձեռնության մասին։ Մենք այժմ գտնվում ենք մեր գործընկերների հետ կոնտակտի մեջ, որպեսզի հավելյալ տեղեկություն ստանանք»,-նշել է ԵՄ արտաքին քաղաքականության ծառայության ներկայացուցիչ Պետեր Ստանոն։
ՀՀ տարածքում Ադրեջանի ԶՈւ անօրինական ներկայությունը խաթարում է տարածաշրջանում դե-էսկալացիայի ջանքերը․ Միրզոյան
ՀՀ ԱԳ նախարարի հանդիպումը Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցչի հետ...
Վարչապետն ընդունել է ԵՄ հատուկ ներկայացուցչին․ մտքեր են փոխանակել ԼՂ հակամարտության կարգավորման շուրջ
Դինամիկ գնահատելով ՀՀ-ԵՄ գործակցությունը՝ վարչապետը կարևորել է այս տարի հուլիսին...
Հարավային Կովկասում ԵՄ հատուկ ներկայացուցիչը ժամանել է Հայաստան
Թոյվո Քլաարը Հայաստանում է...
ԵՄ-ն հայտարարել է Սպուտնիկ V-ի եւ Sinovac Biotech-ի պատվաստանյութերի մասով հավելյալ տվյալների անհրաժեշտության մասին
Նա հավելել է, որ կշարունակվեն CureVac կենսատեխնոլոգիական ընկերության պատվաստանյութի մասին տվյալների վերլուծությունը։
Ամենաշատ
Ֆոտոռեպորտաժներ