Լիբանանին իր կամքը պարտադրելու «Հըզբոլլահի» համառ փորձերը երկրի ճգնաժամի հիմնական պատճառն են եղել: Այս մասին հայտարարել է Սաուդյան Արաբիայի ԱԳՆ ղեկավար, արքայազն Ֆեյսալ բին Ֆարհան Ալ Սաուդը, հայտնում է Reuters-ը:
Նրա խոսքով՝ Էր Ռիադն անհանգստացած է, որ շոշափելի արդյունքների չեն հասել Բեյրութի նավահանգստում տեղի ունեցած պայթյունի հետաքննությամբ, որը մեկ տարի առաջ ավերել էր մայրաքաղաքի մի մասը: Նա նշել է, որ Լիբանանին տրվող ցանկացած օգնություն կապված կլինի այս երկրում լուրջ բարեփոխումների հետ:
Չորեքշաբթի օրը լիբանանյան թուլացած տնտեսության համար օգնության համաժողովը 370 մլն դոլար է հանգանակել:
