News
Լրահոս
News
Չորեքշաբթի
Սեպտեմբեր 22
Տեսնել լրահոսը

Մեքսիկան ԱՄՆ դաշնային դատարան հայց է ներկայացրել մի քանի ամերիկյան զենք արտադրողների դեմ՝ նրանց մեղադրելով անփույթ ձեռնարկատիրական գործունեության մեջ, որը հանգեցրել է Մեքսիկայում զենքի անօրինական առեւտրի եւ մարդկանց մահվան, հայտնում է Reuters-ը:

Հայցը պնդում է, որ Smith & Wesson-ի, Barrett Firearms-ի ստորաբաժանումները, Կոլտի ընկերությունը, Glock Inc-ը Sturm-ը, Ruger & Co Inc-ը եւ մյուսները գիտեն, որ իրենց գործարար պրակտիկան հանգեցնում է Մեքսիկայում զենքի անօրինական առեւտրի:

Մեքսիկան վերջին տարիներին գրանցել է սպանությունների ռեկորդային ցուցանիշ, որը մասամբ պայմանավորված է ամերիկյան զենքի կիրառմամբ՝ խախտելով զենքի սեփականության մասին Մեքսիկայի ավելի խիստ օրենքները:

Մեքսիկան վնասների փոխհատուցում է պահանջում, որը գնահատվում է 10 միլիարդ դոլար:

Արտաքին գործերի նախարար Մարսելո Էբրարդը հայտարարել է, թե իր կառավարությունը ցանկանում է, որ զենքի արտադրողները անհապաղ դադարեցնեն իր երկրում սպանությունների հասցնող գործունեությունը: Նա ասել է, թե համարում է, որ ԱՄՆ կառավարությունը, որը քաղաքացիական հայցում նշված չէ, պատրաստ է համագործակցել Մեքսիկայի հետ` զենքի առեւտրի դեմ պայքարելու համար:

!
Այս նյութը հասանելի է նաև   Русский
Տպել
Ամենաշատ