News
Լրահոս
News
Հինգշաբթի
Սեպտեմբեր 23
Տեսնել լրահոսը


Իրականում չուզենալով խոչընդոտել Ազգային ժողովի մարմինների ձեւավորման բնականոն ընթացքը եւ ապահովելով օրենքով սահմանված հնարավորությունները՝ կառավարող  խմբակցությունը կմասնակցի ԱԺ փոխխոսնակի ընտրությանը՝ ապահովելով անհրաժեշտ նվազագույն ձայների քանակը, որպեսզի պարոն Իշխան Սաղաթելյանն ընտրվի: Այս մասին ԱԺ-ում հայտարարեց ՔՊ խմբակցության պատգամավոր Նազելի Բաղդասարյանը:

Հիշեցնենք, որ օրենսդրության համաձայն ԱԺ 3 փոխխոսնակներից մեկը պետք է լինի ընդդիմության ներկայացուցիչ: Այդ պաշտոնի համար «Հայաստան» խմբակցությունն առաջադրել է Իշխան Սաղաթելյանի թեկնածությունը: «Պատիվ ունեմ» խմբակցությունը հայտարարել է, որ պաշտպանում է այդ թեկնածությունը:  Մինչեւ վերջին պահը հայտնի չէր, թե արդյոք իշխող խմբակցությունը կքվեարկի Իշխան Սաղաթելյանի օգտին, թե ոչ: Այստեղ ինտրիգն այն է, որ իշխող խմբակցությունը կարող է չընտրել Իշխան Սաղաթելյանին, իսկ ընդդիմությունն էլ որոշի, որ որեւէ այլ անձի թեկնածություն չի առաջարկում:

Նախկինում այդ հարցը կարգավորվում էր խմբակցությունների միջեւ համաձայնությամբ, սակայն այս դեպքում ընդդիմադիր խմբակցությունները չեն կոնտակտի մեջ չեն մտնում իշխող խմբակցության հետ:

!
Այս նյութը հասանելի է նաև   Русский
Տպել
Ամենաշատ