Նոութբուքերի պահանջարկն աճում է ամբողջ աշխարհում, եւ դրա տեմպերը զսպվում են միայն կիսահաղորդչային ճգնաժամով։ Նման հետեւությունների են եկել Strategy Analytics-ի փորձագետները։
2021թ. երկրորդ եռամսյակը հաջող էր ճյուղի համար, բջջային համակարգիչների գլոբալ վաճառքը երկրորդ եռամսյակում գերազանցել է 65 մլն հատը, ինչը 15 տոկոսով ավելի է, քան 2020թ. նույն ժամանակամիջոցում։
Վաճառքի բացարձակ առաջատարը Lenovo ընկերությունն է, որին հաջողվել է ապահովել 11,5 մլն լափթոփների մատակարարում՝ զբաղեցնելով համաշխարհային շուկայի 24 տոկոսը։ Երկրորդ տեղը HP-ինն է (14,9 մլն եւ 23 տոկոս), երրորդը՝ Dell-ինը (10,7 մլն եւ 16 տոկոս)։ Լուրջ աճ է ցուցադել Apple ընկերությունը, որը վաճառել է ավելի քան 5,5 մլն համակարգիչ, դրա վրա ազդել է նոր ARM-պլատֆորմ M1-ը։
Վերլուծաբանների կարծիքով՝ երրորդ եռամսյակում կիսահաղորդչային արտադրանքի մատակարարումների խնդիրը ավելի ուժեղ կհարվածի նոութբուքերի շուկային, հնարավոր է դեֆիցիտի առաջացում լոկալ շուկայում։