News
Լրահոս
News
Չորեքշաբթի
Սեպտեմբեր 22
Տեսնել լրահոսը

«ԵՄ-ն` Երևանի համար. արևային համայնք» ծրագրով շենքերի վերելակները, բակերում նոր անցկացված արտաքին լուսավորության համակարգերը, ինչպես նաև բոլոր հարկերում տեղադրված սենսորային լուսատուները սնվում են արևային ֆոտովոլտային կայաններից: Կանաչ՝ մաքուր, էներգիան կմտնի մայրաքաղաքի 90 շենք: Այս մասին NEWS.am-ը տեղեկանում է Երեւանի քաղաքապետարանից:

«Առաջին փուլով ընտրված 42 շենքից 32-ում արդեն իսկ տեղադրված են համակարգերը, իսկ 8-ում միացված և աշխատում են: Մնացած 10 շենքում իրականացվում են շինարարական աշխատանքներ»,-նշում է քաղաքապետի տեղակալ Սերգեյ Ներսեսյանը:

Ծրագրի բյուջեն 1 մլրդ, 250 հազար եվրո է, որից 1 մլրդը Եվրամիությունը տրամադրում է որպես դրամաշնորհ: Բնակիչներին համակարգը տրամադրվում է անվճար: Բացի այդ, ծրագրի իրականացման շնորհիվ 50 տոկոսով նվազելու է վերելակի էլեկտրաէներգիայի համար վճավող գումարը:

«Շենքերից յուրաքանչյուրի համար ստեղծվել են նպատակային բանկային հաշիվներ, որոնցում կուտակվելու են բնակիչներից գանձված գումարները և «Հայաստանի էլեկտրական ցանցեր» ՓԲԸ-ին վաճառված էլեկտրաէներգիայից գոյացած եկամուտը: Նշեմ, որ կուտակված գումարը կուղղվի նվիրաբերված համակարգերի սպասարկմանը և բնակիչների որոշմամբ շենքերում էներգախնայողության միջոցառումների իրականացմանը»,-մանրամասնում է քաղաքապետարանի զարգացման և ներդրումային ենթակառուցվածքային ծրագրերի բաժնի պետ Նարինե Աբելյանը:

Շենքերն ընտրվել են վարչական բոլոր շրջաններից, բացառությամբ Նորք Մարաշի, որտեղ բազմաբնակարաններ բնակելի հին շենքեր պարզապես չկան: Ընտրությունն անելիս, տեխնիկական չափորոշիչներից զատ, հաշվի է առնվել նաև սոցիալական բաղադրիչը:

«Ծրագրում ընդգրկված շենքերի անապահով ընտանիքներին կտրվեն էներգախնայող լուսատուներ (1750 հատ), որպեսզի նրանք էլ նվազեցնեն իրենց բնակարանի էլեկտրաէներգիայի ծախսը: Ծրագրի իրականացման շնորհիվ բազմաբնակարան շենքերի շուրջ 25 920 բնակիչ կապրի ավելի հարմարավետ պայմաններում և կունենա էլեկտրաէներգիայի ավելի փոքր վճար»,-ընդգծում է Սերգեյ Ներսեսյանը:

Արևային կայանները շահագործման հանձնելուց հետո նվիրաբերվում են բնակիչներին: Ծրագրի շնորհիվ ընդհանուր օգտագործման տարածքներում բնակիչները կունենան անխափան էլեկտրամատակարարում:

Եվրոպական Միության աջակցությամբ՝ «Քաղաքապետերի դաշնագիր» նախաձեռնության շրջանակում, իրականացվող ծրագիրն իր տեսակով առաջինն է քաղաքում, որը հետագայում կարող է օրինակ դառնալ:

Տպել
Կարդացեք նաև
Ամբողջը
Կատարը հայտարարել է, որ չի ծրագրում վերադառնալ ՕՊԵԿ
«Դա որոշում էր, որը մենք ընդունեցինք։ Ինչպես արդեն նշել ենք, մենք պատրաստվում ենք լքել ՕՊԵԿ-ը, քանի որ մենք գազային երկիր ենք»,-ասել է նա։
Թուրքիան հայտարարել է, որ բանակցում է Ռուսաստանի հետ գազի նոր մատակարարումների մասին
Թուրքիան քննարկում է տարբեր երկրների հետ նոր պայմանագրերի կնքման հարցը...
Հենց այս պահին սահմանին գազի գնի շուրջ բանակցություններ են ընթանում. Հարցն արդիական է. Մհեր Գրիգորյան
Ես կոնկրետ պատասխաններ չեմ տա, որովհետեւ հենց այս պահին...
Լիբանանի վարչապետ. Իրանական վառելիքի մատակարարումները խախտում են երկրի ինքնիշխանությունը
«Հեզբոլլահի» կողմից իրանական վառելիքի ներկրումը խախտում է երկրի ինքնիշխանությունը...
Փոխվարչապետ. Հայաստանը դիտարկում է այլ երկրներից գազ ներմուծելու հնարավորությունը, սակայն...
Հիշեցնենք, որ Հայաստանը Ռուսաստանից գազը է գնում 1000 խմ-ի դիմաց 165 դոլարով: Բացի այդ, «Գազ՝ էլեկտրաէներգիայի դիմաց» ծրագիրը գործում է Հայաստանի եւ Իրանի միջեւ:
Փոխվարչապետ. Հույս ունեմ՝ կհաջողվի պահել գազի գինը
Գազի գնի վերաբերյալ բանակցություններում որոշակի բարդություններ են առաջանում...
Ամենաշատ