Բելառուսի հետ սահմանի ամբողջ երկայնքով պատնեշի կառուցումը կտեւի մոտ երկու տարի: Այս մասին հինգշաբթի լրագրողներին ասել է Լիտվայի ՆԳՆ ենթակայության պետական սահմանապահ ծառայության պետ, գեներալ Ռուստամաս Լյուբաեւասը, փոխանցում է ՏԱՍՍ -ը:
«Մենք կփակենք սահմանի ամբողջ հատվածը, որի վրա նախատեսվում է մոտ երկու տարվա ընթացքում 508 կմ երկարությամբ ցանկապատ կառուցել ֆիզիկական պատնեշով»,- ասել է նա: Աշխատանքի արժեքը կկազմի 152 միլիոն եվրո:
Բելառուսի հետ սահմանին նախատեսվում է կառուցել եռաչափ եռակցված մետաղալարից պատրաստված չորս մետրանոց ցանկապատ, որի վրայով կձգվի կոնցերտինան` զինվորականների կողմից օգտագործվող սուր շեղբերով փշալարը: Ցանկապատի դիմաց փշալարերի լրացուցիչ գիծ կտեղադրվի: Ենթադրվում է, որ առանց հատուկ սարքավորումների անհնար է հաղթահարել նման արգելքը:
Տարեսկզբից Լիտվա-Բելառուս սահմանին ձերբակալվել է 4110 անօրինական միգրանտ: Դա 50 անգամ ավելի է, քան ամբողջ 2020 թվականին: Մայիսի վերջին Բելառուսի նախագահ Ալեքսանդր Լուկաշենկոն հայտարարել էր, որ իր երկիրը խոչընդոտ է հանդիսանում անօրինական միգրանտներին հարեւան պետություն տեղափոխելու համար, սակայն, հաշվի առնելով Արեւմուտքի քաղաքական ճնշումը, Մինսկը կարող է մտորել` արդյո՞ք արժե դա շարունակել: