Նորընտիր Ազգային ժողովն օգոստոսի 5-ին շարունակում է ընդդիմության կողմից առաջադրված խորհրդարանի վերջին փոխխոսնակի ընտրության հարցի քննարկումը: Դա արվում է արդեն երրորդ անգամ:
Իշխող «Քաղաքացիական պայմանագիր» կուսակցության պատգամավոր Վաղարշակ Հակոբյանը, մասնավորապես, հայտարարեց, որ Իշխան Սաղաթելյանը «հաստատ իրենց սրտի թեկնածուն չէ»: «Մենք առաջարկում ենք, որպեսզի իշխող քաղաքական մեծամասնությունը ձեզ ընտրի որպես խորհրդարանի փոխխոսնակ: Այս տեղը ձերն է: Ընդդիմություն, մենք ստանձնում ենք այդ պատասխանատվությունը»,- ասաց Հակոբյանը:
Նշենք, որ ԱԺ-ն մեկ օրվա ընթացքում երկրորդ գաղտնի քվեարկության ժամանակ չկարողացավ ընտրել 8-րդ գումարման նորընտիր Ազգային ժողովի վերջին փոխխոսնակին:
Ընդ որում, ընդդիմադիր «Հայաստան» դաշինքն արդեն երրորդ անգամ է առաջադրել Իշխան Սաղաթելյանի թեկնածությունը խորհրդարանի փոխխոսնակի պաշտոնում:
