Իսրայելը պատրաստ է հարված հասցնել Իրանին, հայտարարել է պաշտպանության նախարար Բենի Գանցը: Ynet-ին տված հարցազրույցում հարցին` արդյո՞ք հրեական պետությունը պատրաստ է հարված հասցնել Թեհրանին, նա պատասխանել է այո` հավելելով, որ Իսլամական Հանրապետությունը «վտանգ է ներկայացնում երկրի, Մերձավոր Արեւելքի եւ ամբողջ աշխարհի համար»:
«Իրանը միջազգային եւ տարածաշրջանային խնդիր է: Աշխարհը նման մի միջադեպի (վերջին) ականատես եղավ ուրբաթ»,- ասել է Գանցը` նկատի ունենալով Mercer Street նավի հետ կապված միջադեպը, որում Իսրայելը մեղադրում էր Իրանին:
Խոսելով Իրանի նոր նախագահ Էբրահիմ Ռաիսիի մասին` Գանցն ասել է, որ նա կարող է Իրանին դեպի տարածաշրջանային եւ անվտանգության առավել կոշտ քաղաքականության տանել:
Պաշտպանության նախարարը նախազգուշացրել է, որ Իսրայելը պետք է շարունակի զարգացնել իր հնարավորությունները բազմաթիվ ճակատներում, քանի որ «սա է ապագան»: «Իրանը ձգտում է բազմակողմանի մարտահրավեր նետել Իսրայելին եւ իր ուժերը կուտակում է Լիբանանում եւ Գազայում, զինյալներ է տեղակայում Սիրիայում եւ Իրաքում եւ աջակցում է իր կողմնակիցներին Եմենում: Իրանը գլոբալ եւ տարածաշրջանային խնդիր է եւ մարտահրավեր Իսրայելին»,- ասել է նա:
Պաշտպանության նախարարը նախազգուշացրել է, որ Իսրայելը պետք է շարունակի զարգացնել իր հնարավորությունները բազմաթիվ ճակատներում, քանի որ «սա է ապագան»: «Իրանը ձգտում է բազմակողմանի մարտահրավեր նետել Իսրայելին եւ իր ուժերը կուտակում է Լիբանանում եւ Գազայում, զինյալներ է տեղակայում Սիրիայում եւ Իրաքում եւ աջակցում է իր կողմնակիցներին Եմենում: Իրանը գլոբալ եւ տարածաշրջանային խնդիր է եւ մարտահրավեր Իսրայելին»,- ասել է նա:
Նախօրեին Գանցը հայտարարել է, որ Իրանը «խախտել է ԳՀՀ-ի բոլոր ուղեցույցները եւ միջուկային զենքի ստեղծման համար անհրաժեշտ զենքի ձեռքբերումից ընդամենը 10 շաբաթ է մնացել»: «Եկել է գործողությունների ժամանակը. խոսքերը բավարար չեն: Եկել է դիվանագիտական, տնտեսական եւ նույնիսկ ռազմական գործողությունների ժամանակը, հակառակ դեպքում հարձակումները կշարունակվեն»,- ասել է նա:
