ԱՄՆ Պետդեպարտամենտը հավանություն է տվել Թայվանին 40 հատ M109A6 Medium Self-Propelled Howitzer հրետանային համակարգի վաճառքին՝ մինչեւ 750 մլն դոլար արժողությամբ գործարքի շրջանակներում, հայտնում է Պենտագոնը:
Փաթեթը ներառում է հաուբիցներ, 1698 ճշգրիտ ուղղորդվող զինամթերք, պահեստամասեր, ուսումնական, ցամաքային կայաններ եւ Թայվանի նախորդ սերնդի հաուբիցների համար թարմացումներ:
Թայվանի պաշտպանության նախարարությունը «անկեղծ երախտագիտություն» է հայտնել ԱՄՆ կառավարությանը՝ ասելով, որ վաճառքը կօգնի իր ցամաքային ուժերին բարձրացնել իրենց «արագ արձագանքման եւ կրակային աջակցություն ցուցաբերելու ունակությունը»: Նախարարությունը զենքի ոլորտում ԱՄՆ-ի շարունակական աջակցությունն անվանել է «տարածաշրջանային կայունության պահպանման հիմք»:
Չինաստանի ԱԳՆ-ն հայտարարել է, որ «կտրականապես դեմ է» վաճառքին: Ըստ մամուլի քարտուղարի՝ զենքի վաճառքը միջամտություն է Չինաստանի ներքին գործերին: Պեկինը զգուշացրել է, որ հակաքայլեր կձեռնարկի խնդրի զարգացման դեպքում:
