Անկախ նրանից, թե արդյոք թափուր կմնա ԱԺ փոխխոսնակի պաշտոնը, այն այնուամենայնիվ պատկանում է ընդդիմությանը: ԱՅս մասին ԱԺ հատուկ նստում ասաց ընդդիմադիր «Հայաստան» խմբակցության պատգամավոր Արմեն Ռուստամյանը:
Նա «Քաղաքացիական պայմանագիր» խմբակցությանը կոչ արեց քվեարկել Իշխան Սաղաթելյանի օգտին, քանի որ հենց իշխող մեծամասնությունն ունի ձայների ճնշող թիվը, որը թույլ է տալիս միակողմանի որոշումներ կայացնել՝ անկախ նրանից , թե ով ինչպես կքվեարկի:
«Կարծում եմ, որ չպետք է մնալ այս քվեարկության վրա: Քարը փեշներիցդ գցեք, քվեարկեք: Դուք այդ ձայներն ունեք: Մեր ձայները բավարար չեն»,-ասաց Ռուստամյանը: