Հունաստանը գիշերային պարետային ժամ է սահմանել եւ արգելել է երաժշտությունը զբոսաշրջային երկու հայտնի կղզիներում՝ COVID-19-ի տարածումը զսպելու համար, հայտնում է AP-ն:
Սահմանափակումներն ուժի մեջ կմտնեն ուրբաթ օրվանից եւ կգործեն մինչեւ օգոստոսի 13-ը՝ վարակիչ հիվանդությունների փորձագետների կոմիտեի առաջարկությամբ, որը խորհրդատվություն է տրամադրում Հունաստանի կառավարությանը:
Տուժած շրջաններն են Ջաքինթոս կղզին՝ արեւմտյան Հունաստանում, որտեղ համաճարակաբանական բեռը մեկ շաբաթ առաջվա համեմատ վատացել է 69%-ով, եւ Կրետեի Խանիա քաղաքը, որտեղ այն աճել է 54%-ով:
Սահմանափակումները ներառում են գիշերային պարետային ժամ եւ երաժշտության ամբողջական 24-ժամյա արգելք բոլոր ժամանցի վայրերում: «Մենք կոչ ենք անում այս տարածքներում բնակվողներին եւ այցելուներին լիովին հետեւել վիրուսի տարածումը սահմանափակող միջոցառումներին»,- հայտարարել է Քաղաքացիական պաշտպանության գործակալությունը:
