ԱՄՆ-ն Իրանի նախագահ Իբրահիմ Ռայիսիին կոչ է արել վերադառնալ 2015 թվականի միջուկային գործարքի վերսկսման հարցով բանակցություններին՝ կրկնելով, որ դիվանագիտության համար պատուհանը հավերժ բաց չի լինի, հաղորդում է Reuters-ը:
«Նախագահ Ռայիսիին ուղղված մեր ուղերձը նույնն է, ինչը նախորդ նախագահներին: ԱՄՆ-ն կպաշտպանի եւ առաջ կտանի ազգային անվտանգության շահերը: Հուսով ենք, որ Իրանը կօգտվի դիվանագիտական լուծումներ գտնելու հնարավորությունից»,-ասել է ԱՄՆ Պետքարտուղարության ներկայացուցիչ Նեդ Փրայսը:
«Մենք Իրանին կոչ ենք անում մոտ ժամանակներս վերադառնալ բանակցություններին, որպեսզի կարողանան ավարտին հասցնել աշխատանքը»,-հավելել է նա՝ ընդգծելով, որ գործընթացը չի կարող անվերջ շարունակվել: