Լեհաստանն չպետք է ամեն գնով Եվրամիության անդամ մնա, ասել է արդարադատության նախարար Զբիգնեւ Զյոբրոն, տեղեկացնում է Reuters-ը։
Վարշավայի եւ Բրյուսելի միջեւ լարվածությունն ուժեղանում է, իսկ վաղեմի վեճը օրենքի գերակայության մասին հասնում է գագաթնակետին, քանի որ օգոստոսի 16-ին լրանում է ԵՄ գերագույն դատարանի վճռի կատարման վերջնաժամկետը, հակառակ դեպքում Լեհաստանին տուգանքներ են սպառնում։
«Ես Եվրամիության դատարանի (CJEU) կողմից իրականացվող Եվրամիության անօրինական շանտաժի տոկուն հակառակորդն եմ»,- ասել է Զբիգնեւ Զյոբրոն Rzeczpospolita թերթի հարցազրույցում։ «Հավատը, որ ԵՄ-ը լավ քեռի է եւ մեզ փող է տալիս, եւ որ մենք պետք է ընդունենք նրա բոլոր պահանջները ամեն գնով՝ քարոզչություն է եւ սուտ»,- ասել է նա՝ ավելացնելով, որ Լեհաստանը պետք է լինի ԵՄ-ում, բայց ոչ ամեն գնով։
Զյոբրոն դատական բարեփոխման հեղինակն է, որը Լեհաստանը կանգնեցրել է Բրյուսելի հետ բախման ուղեգծին, որը հայտարարում է, թե Վարշավան խափանում է դատարանների անկախությունը։ Եվրահանձնաժողովը հայտարարել է, որ Լեհաստանը պետք է կատարի CJEU որոշումը, որով երկրին կարգադրվում է ցրել դատարանների կարգապահական պալատը։
Հարցումները ցույց են տալիս, որ լեհերի ճնշող մեծամասնությունը կողմ է ԵՄ-ին անդամակցությանը։ Այնուամենայնիվ, Rzeczpospolita-ի վերջերս անցկացրած հարցումը ցույց է տվել, որ լեհերի 17 տոկոսը կողմ է ԵՄ-ից դուրս գալուն, ինչն ավելի շատ է, քան նախորդ հարցումների ժամանակ։