Եթե առկա միտումները շարունակվեն, Հայաստանի տարածքում կարող են բախվել բազմաթիվ արտաքին խաղացողների շահերը: Օգոստոսի 11-ին այս մասին խորհրդարանում հայտարարեց «Հայաստան» խմբակցության պատգամավոր, ԱԺ Տարածաշրջանային եւ եվրասիական ինտեգրման հարցերի մշտական հանձնաժողովի ղեկավարի պաշտոնի թեկնածու Արմեն Գեւորգյանը:
Նա հավելեց, որ ներկայիս իրավիճակը կարող է երկարաժամկետ ռիսկեր ստեղծել, ուստի պետք է հասկանալ՝ կա՞ն արդյոք արտաքին ուժերին տրված պարտավորություններ եւ խոստումներ:
Նրա խոսքով՝ տարածաշրջանում հաղորդակցությունների ապաշրջափակման միտում է նկատվում, ուստի ամեն ինչ պետք է արվի, որպեսզի գործընթացներն ընթանան Հայաստանի շահերից, օրինակ՝ ամրապնդել երկրի տարանցիկ հնարավորությունները:
«Մեզ համար պատմական հնարավորություն է հայտնվել դառնալ Հյուսիս-հարավ միջանցքի մի մասը: Կարեւոր է ակտիվացնել Իրանի հետ աշխատանքը ազատ տնտեսական գոտու նախագծի շրջանակներում: Սա լուրջ ազդանշան կդառնա առ այն, որ Հայաստանը պաշտպանում է իր տարածքը»,- ընդգծեց Գեւորգյանը:
