«Թալիբանն» արգելել է կորոնավիրուսի դեմ պատվաստումները Աֆղանստանի Պակտիա նահանգում, հաղորդում է ՏԱՍՍ-ը՝ հղում անելով աֆղանական Shamshad հեռուստաալիքին:
Հեռուստաալիքի տեղեկություններով՝ Պակտիա նահանգի առողջապահության դեպարտամենտի ղեկավար Վալայաթ Խան Ահմադզայը լրագրողներին հայտնել է, որ անցած շաբաթ այդ տարածաշրջանը գրաված թալիբներն արգելել են պատվաստումը նահանգի տարածաշրջանային հիվանդանոցում:
Բժիշկը պատմել է, որ պատվաստումների բաժանմունքը փակվել է արդեն առնվազն երեք օր, եւ այցելուներին ասում են, որ պատվաստանյութն արգելված է:
Ապրիլի 14-ին ԱՄՆ նախագահ Ջո Բայդենը հայտարարել է Աֆղանստանից ԱՄՆ-ի օպերացիան ավարտին հասցնելու որոշման մասին: Այդ ֆոնին մեծացել է տարբեր ուղղություններով «Թալիբան»-ի ուժերի ակտիվությունը: Հուլիսի սկզբին թալիբները հսկողության տակ են առել 5 երկրների՝ Իրանի, Տաջիկստանի, Թուրքմենստանի, Չինաստանի եւ Պակիստանի հետ սահմանի երկայնքով շրջանները: