ԱՄՆ ռազմաօդային ուժերի ինքնաթիռները հարվածներ են հասցրել «Թալիբան»-ի գրոհայինների դիրքերին՝ Աֆղանստանի հարավում Քանդահար քաղաքի օդանավակայանի մոտ: Թալիբների շարքերում կան զոհեր եւ վիրավորներ, հայտնում է ՏԱՍՍ-ը:
Գրոհը ձեռնարկվել էր հաջակցություն այդ տարածքում պաշտպանվող կառավարական ուժերի:
Ավելի վաղ Աֆղանստանի ռազմաօդային ուժերը հարվածներ էին հասցրել թալիբների զորքերին, որոնք փորձել էին գրավել հյուսիսարեւմտյան Բալխ նահանգի Մազարի քաղաքը: Աֆղանստանի պաշտպանության նախարարության տվյալներով՝ 33 զինյալ է սպանվել:
Ուրբաթ օրը կառավարական ուժերը մարտերի եւ օդային հարվածների ժամանակ ոչնչացրել են ավելի քան 170 արմատականների: