News
Լրահոս
News
Կիրակի
Հոկտեմբեր 24
Տեսնել լրահոսը

Առաջինը ՀԱՊԿ-ի շրջանակում արձագանքել իմաստ չունի, նախ պետք է հասկանալ՝ ինչ են մտածում անդամ պետությունները և, մասնավորապես, Ռուսաստանը, բայց եթե դիրքորոշումն այնպիսին լինի, որ մնացած մյուս անդամ երկրները հակված լինեն ինչ-որ քայլերի դիմել, ճիշտ չի լինի, որ Հայաստանը նեղացածի կերպար ընդունի և փորձի դեմ հանդես գալ հնարավոր նախաձեռնություններին: Նման կարծիք NEWS.am-ի հետ զրույցում հայտնեց քաղաքագետ Բենիամին Պողոսյանը՝ անդրադառնալով Աֆղանստանում տալիբների՝ իշխանությունը վերցնելուց հետո ՀԱՊԿ-ի անդամ պետությունների հնարավոր գործողություններին և դրանց առնչությամբ Հայաստանի հնարավոր վարքագծին:

«Բնականաբար, Կենտրոնական Ասիայի երկրները, Ռուսաստանը հակված կլինեն քայլեր ձեռնարկել, իսկ հաշվի առնելով նախորդ տարվա նախագահական ընտրություններից հետո Բելառուսում ստեղծված իրավիճակը, ենթադրում եմ՝ վերջինը նույնպես կփորձի Ռուսաստանի ուղեծրում մնալ: Այդ պարագայում խորհուրդ չէի տա, որ Հայաստանն ասի՝ դե, գիտեք ինչ, որ դուք մեզ չօգնեցիք և մեր խնդիրը սահմանային միջադեպ համարեցիք, մենք էլ ձեր խնդիրը սահմանային միջադեպ կորակենք: Նախ և առաջ պետք է հասկանալ՝ Տաջիկստանն առհասարակ կդիմի՞ ՀԱՊԿ-ին, թե ոչ, եթե դիմի, ապա ո՞ր հոդվածով և ի՞նչ է նախատեսելու այդ դեպքում ՀԱՊԿ  կանոնադրությունը: Հայաստանը կառույցին ոչ թե 4-րդ հոդվածով դիմեց, որը ենթադրում էր պետության վրա հարձակման դեպքում ռազմական օգնության ցուցաբերում, այլ 2-րդ՝ խորհրդատվություններ սկսելու հոդվածով: Կարծում եմ՝ Տաջիկստանն էլ այդ հոդվածով կդիմի, որովհետև առայժմ ոչ ոք իրենց սահմանին գործողություններ չի ձեռնարկում: Եթե Տաջիկստանը դիմի ՀԱՊԿ-ին խորհրդակցություններ կազմակերպելու համար, ապա Հայաստանը պետք է մասնակցի դրանց: Կարծում եմ՝ ճիշտ չի լինի նեղացածի կեցվածք ընդունել և փորձել դեմ հանդես գալ նման գործընթացներին»,- նկատեց քաղաքագետը:

Պողոսյանի դիտարկմամբ՝ եթե Հայաստանը ՀԱՊԿ շրջանակում հնարավոր գործընթացներին դեմ արտահայտվի, դա որևէ օգուտ չի տալու հայ-ադրբեջանական սահմանին տիրող իրավիճակի հանգուցալուծմանը:

«Որևէ բան այդ առումով չենք շահի, իսկ կորցնելու իմաստով՝ Ռուսաստանի մոտ որոշակի դժգոհություն կարող է դա հարուցել: Այսինքն, կամ մենք ոչինչ չենք շահի և ոչինչ չենք կորցնի, որից «ոչինչ չշահելը» հաստատ է, իսկ Ռուսաստանի հետ հավելյալ խնդիր ձեռք բերելը՝ ևս հավանական է: Այդ դեպքում ինչու՞անել մի քայլ, որից Հայաստանը որևէ բան չի շահելու, բայց խնդիրներ կարող են առաջանալ, ուստի տրամաբանական է չանել այնպիսի քայլեր, որոնք կարող են նոր խնդիրների հանգեցնել»,- նկտեց Պողոսյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀԱՊԿ քաղաքական եւ միջազգային համագործակցության հարցերի մշտական հանձնաժողովի հերթական նիստը կանցկացվի Երեւանում
Քննարկվել են տարածաշրջանում տիրող իրավիճակը եւ հավաքական անվտանգության սպառնալիքներին ու դրանց դիմակայելու միջոցառումներին...
ՀԱՊԿ զորավարժություններ են մեկնարկել Տաջիկստանի հարավում. Հայաստանից եւս զինվորականներ են մասնակցում
Աֆղանատաջիկական սահմանի մոտ վարժանքները կանցկացվեն Հայաստանի, Բելառուսի, Ղազախստանի, Ղրղզստանի, Ռուսաստանի եւ Տաջիկստանի զինծառայողների ․․․
Սեյրան Օհանյանի ՀԱՊԿ խորհրդարանական վեհաժողովի նիստին չմասնակցելը ձեռնտու է Ադրբեջանին. Օհանյանի փաստաբան
Պատկերացնու՞մ եք, խոսքը գնում է այն մարդու մասին, ով Արցախի հերոս է, Գեներալ գնդապետ, Արցախի ու ՀՀ պաշտպանության նախկին նախարար, Արցախյան ազատամարտում…
ՀԱՊԿ-ի հիմնական սպառնալիքը միջազգային ահաբեկչական գործունեության աճն է
Նա նաեւ սպառնալիքներին է վերագրել կիբերտարածքում գործողությունների մասշտաբների աճը, Ուկրաինայում իշխող ռեժիմի հակառուսական հռետորաբանությունը...
ՀԱՊԿ-ում հայտարարել են, որ ձեռք բերված պայմանավորվածությունները բավարար են Ղարաբաղում վերջնական կարգավորման համար
«Ռազմական գործողությունները հաջողվեց դադարեցնել Ռուսաստանի Դաշնության միջնորդությամբ...
Ի տարբերություն ԱՄՆ-ի, Ռուսաստանն արտաքին քաղաքականության մեջ չունի գաղափարական տաբուներ․ Լավրով
Լավրովն ընդգծել է, որ Ռուսաստանը միշտ կպաշտպանի միջազգային իրավունք, ՄԱԿ -ի կենտրոնական դերը համաշխարհային ասպարեզում․․․
Ամենաշատ