Ոստիկանությունը կալանավորել է մաքսանենգ թմրավաճառների միջազգային խմբավորման ենթադրյալ պարագլխին, որը թմրանյութեր էր ներկրում Ռուսաստան Հարավային Ամերիկայից, տեղեկացվում է Ռուսաստանի ՆԳՆ պաշտոնական կայքում։
«Ռուսաստանի ՆԳՆ թմրանյութերի շրջանառության վերահսկման գլխավոր վարչության աշխատակիցները Ռուսաստանի ՆԳՆ Ինտերպոլի Ազգային կենտրոնական բյուրոյի եւ Ռուսաստանի ՆԳՆ միջազգային համագործակցության վարչության գործընկերների հետ համատեղ, օտարերկրյա գործընկերների աջակցությամբ, իրականացրել են միջոցառումներ «Կուրսկի աղեղ» գործողության շրջանակում։ Կոլումբիայի Հանրապետության Մեդելյին քաղաքում կալանավորվել է հանցավոր խմբավորման ենթադրյալ պարագլուխներից մեկը»,- տեղեկացրել է Ռուսաստանի ՆԳՆ ներկայացուցիչ Իրինա Վոլկը։
Ռուսաստանի քաղաքացին կասկածվում է Իսպանիայից Ռուսաստան Հարավային Ամերիկայի տարածքում արտադրված թմրանյութերի մաքսանենգության խողովակ ապահովելու մեջ՝ հետագա սպառման նպատակով։
«Ներկայում ոստիկանները պարզում են նրա հնարավոր կապերը կոլումբիական թմրակարտելների հետ»,- նշվում է ՌԴ ՆԳՆ հաղորդագրությունում։