Եվրամիությունը պարտավոր է ընդունել աֆղանցի փախստականներին եւ չի կարող մարդկանց թողնել Աֆղանստանում, ասել է Եվրախորհրդարանի նախագահ Դեվիդ Սասոլին:
Նրա խոսքով` Աֆղանստանից ժամանող փախստականները, որն այժմ գտնվում է թալիբների ձեռքում, պետք է հավասարաչափ բաշխվեն ԵՄ անդամ երկրների միջեւ:
Թալիբները նախօրեին նրանք հայտարարել էին, որ խաղաղություն են ցանկանում, վրեժ չեն լուծի եւ կհարգեն կանանց իրավունքներն իսլամական օրենքների շրջանակներում: Բայց շատ աֆղանցիներ թերահավատորեն են վերաբերվում այդ խոստումներին, եւ հազարավոր մարդիկ հուսահատորեն հեռանում են, այդ թվում` մեծ թվով նրանցից, ովքեր երկու տասնամյակ օգնել են օտարերկրյա ուժերին ԱՄՆ հրամանատարության ներքո:
«Մենք պետք է պաշտպանենք նրանց, ովքեր աշխատել եւ համագործակցել են մեզ հետ, մենք չենք կարող թույլ տալ, որպեսզի նրանցից վրեժ լուծեն,- ասել է Սասոլին:- Մենք պատասխանատվություն ունենք: Կարծում եմ, որ Եվրահանձնաժողովը կարող է լիազորել նրանց հավասարաչափ բաշխումն անդամ երկրների միջեւ` պարիտետը պահպանելու համար, եւ դա կարելի է արագ անել»:
Ավելի քան 2200 դիվանագետ եւ այլ քաղաքացիական անձինք տարհանվել են Աֆղանստանից ռազմական թռիչքներով, Reuters-ին հայտնել է արեւմտյան անվտանգության ծառայության ներկայացուցիչը, սակայն նա չի նշել, թե հեռացածների թվում քանի աֆղանցի կա:
