Ֆրանսիային, Գերմանիային եւ Մեծ Բրիտանիային մտահոգում է Իրանի կողմից ուրանի մինչեւ 20 տոկոս հարստացումը, հաղորդում է Reuters-ը:
«Իրանը պետք է անհապաղ դադարեցնի գործողությունները, որոնք խախտում են Գործողությունների համատեղ համապարփակ ծրագիրը: Մենք Իրանին կոչ ենքա անում որքան հնարավոր է արագ վերադառնալ Վիեննայի բանակցություններին: Մենք բազմիցս նշել ենք, որ ժամանակը ոչ ոքի օգտին չէ»,-ասվում է երեք երկրների ԱԳՆ համատեղ հայտարարության մեջ:
Երեք երկրները մտահոգություն են հայտնել նաեւ այն կապակցությամբ, որ բանակցությունները դադարեցվել են Թեհրանի խնդրանքով: