Քաբուլի օդանավակայանը «շատ գրավիչ թիրախ» կարող է լինել ահաբեկիչների համար, ասել է Ներկայացուցիչների պալատի հետախուզության հանձնաժողովի նախագահ Ադամ Շիֆը, գրում է The Hill-ը:
Նրա խոսքով՝ Քաբուլի օդանավակայանի սպառնալիքը «արդեն մի քանի օր է» իրեն անհանգստացնում է։ «Արդեն մի քանի օր է, ինչ ես անհանգստանում եմ, որ այն կարող է շատ գրավիչ թիրախ լինել ԴԱԻՇ-Կ-ի կամ «Ալ-Քաիդա»-ի տարրերի համար»,- ասել է Շիֆը:
Նա նշել է, որ իրեն հատկապես անհանգստացնում է այն, որ ԴԱԻՇ-ը կարող է հարձակվել ամերիկյան ուժերի եւ Աֆղանստանի քաղաքացիների վրա ու «քաոս առաջացնել»:
ԴԱԻՇ-Կ-ն ԴԱԻՇ-ի մասնաճյուղն է, որը գործում է Կենտրոնական եւ Հարավային Ասիայում: