News
Լրահոս
News
Կիրակի
Նոյեմբեր 28
Տեսնել լրահոսը


ԱԺ նախագահ Ալեն Սիմոնյանը խստորեն դատապարտում է այսօր ԱԺ–ում տեղի ունեցած բռնությունը։ Այս մասին այսօր՝ օգոստոսի 25–ին, ԱԺ–ում լրագրողների հետ զրույցում ասաց Ալեն Սիմոնյանը։

«Շատ տարբեր իրավիճակներ, որոնց մենք ականատես եղանք, հիմա քննարկման առարկա ենք դարձրել եւ որոշակի լուծումներ ենք գտնելու այդ իրավիճակներից խուսափելու համար։ Մասնավորապես, ես համարում եմ, որ նման իրավիճակներում անընդունելի է, երբ լրագրողներին օթյակից հանում են։ Ես քննարկել եմ գործընկերներիս հետ եւ ամենայն հավանականությամբ նման իրավիճակի դեպքում, մենք  որեւէ ձեւով  լրագրողներին չպետք է այնտեղից հանենք, չնայած կա մտավախություն, որ դա կարող է անվտանգությանը սպառնալ, բացի այդ կա կարծիք, որ ճիշտ չէ, երբ մարդուն հարվածելու լուսանկարը կամ տեսանյութը հրապարակվում է, որպեսզի նրանց արժանապտավության  եւ բարի համաբավին որեւէ մեկը չկարողաա վնաս հասցնել»,– ասաց Ալեն Սիմոնյանը։

ԱԺ նախագահը նշեց, թե լրագրողները ԱԺ նիստերի դալիճ մտնելու իրավունք չունեն, բայց նման դեպքեր եղել են։ 

Լրագրողը հիշեցրեց՝ տարիներ առաջ ինչ–որ միջադեպի ժամանակ, լրագրողները ներս են մտել ԱԺ նիստերի դալիճ, եւ «Ելք» խմբակցությունը, որը պայքարում էր իշխանության համար, դեմ չէր եղել դրան եւ ավելին այդ խմբակցության պատգամավորները դահլիճում հարցազրույցներ էին տվել, իսկ այսօր իշխող ուժի որոշ պատգամավորներ արդեն հրում են լրագրողներին։

Ալեն Սիմոնյանը չպատասխանեց հարցին, թե ինչ որակում կտա այն իշխանությանը, որի ժամանակ «հայրենիքի դավաճանները» ազատության մեջ։ «Դա ԱԺ գործառույթի հետ կապ չունի։ Ես եկել եմ այստեղ խոսելու այն մասին, թե ինչ տեղի ունեցավ այսօր։ Ես հիմա որակումներ տալու հարցում սահմանափակված եմ»,– ասաց ԱԺ նախագահը։

Նշենք, որ ԱԺ–ում այսօր տեղի ունեցած միջադեպը սկսվեց ՔՊ–ական Հայկ Սարգսյանի հայտարարությունից հետո, թե «Այն պաշտպանության նախարարները, որոնց ժամանակ փողով կամ զանգով բանակից քաղաքացի է ազատվել, նրանք հայրենիքի դավաճաններ են»։ 

Լրագրողները ԱԺ նախագահից հետաքրքրվեցին նաեւ, թե ՔՊ–ում չկա՞ն պատգամավորներ, որոնք գումարով ազատվել են բանակից  եւ հիմա էլ հայտարարում են, որ ուրիշների օրոք մարդիկ բանակից ազատվել են։

«Ես չգիտեմ՝ կա, թե չկա։ Օրինակ, ես առողջական խնդիրներ եմ ունեցել եւ իմ սեփական դիմումի հիման վրա  գնացել եմ բանակ»,– ասաց ԱԺ նախագահը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ՌԴ Պետդումայում ներկայացվել է օրինագիծ, որն արգելում է ԶԼՄ-ներում նշել հանցագործների ազգությունը
«Դաշնային օրենքի նախագծով <...> առաջարկվում է արգելել ԶԼՄ-ներում, ինչպես նաեւ տեղեկատվական եւ հեռահաղորդակցական ցանցերում ․․․
Ավստրալիան կոչ է արել համաձայնեցնել «վարքի միջազգային կանոնները» Ինտերնետում ապատեղեկատվության դեմ պայքարում
Այս պայքարը մենք դեռ երեկ պետք է սկսեինք, ասել Ավստրալիայի արտգործնախարարը...
Կառավարող ուժի պատգամավորը հայկական ԶԼՄ-ներին մեղադրեց ապատեղեկատվության տարածման մեջ
Ոչ ճիշտ տեղեկատվության մեղավորները հայկական ԶԼՄ-ներն են, ասել է Արթուր Հովհաննիսյանը...
ՔՊ պատգամավորները հրաժարվեցին պատասխանել ընդդիմադիր լրագրողի հարցին
Լրագրողները պաշտպանեցին իրենց գործընկերոջն ու հետաքրքրվեցին՝ որքանով է արդարացված իրեն խոսքի ազատության․․․
Մեքսիկայում սպանել են Maya Press լրատվական գործակալության հիմնադրին
Լոպես Արեւալոն որպես թղթակից աշխատել է տարբեր արտասահմանյան գործակալություններում, ինչպես նաեւ խմբագիր է եղել Novedades de México, Prensa Libre de Guatemala եւ Notimex տեղական պարբերականներում...
Ամերիկացի միլիարդատերերը «ապատեղեկատվության դեմ պայքարի համար» նոր մեդիա ընկերություն են հիմնում
«Good Information Inc»-ը կֆինանսավորի եւ կընդլայնի այն ընկերությունները, որոնք աջակցում են փաստերի վրա հիմնված տեղեկատվությանը...