Քաբուլի օդանավակայանի մոտակայքում տեղի ունեցած պայթյունների հետեւանքով ավելի քան 40 մարդ է զոհվել, տուժել է ավելի քան 100-ը: Այս մասին ՌԻԱ Նովոստի-ին հայտնել է Աֆղանստանի առողջապահության նախարարության աղբյուրը:
Աղբյուրի փոխանցմամբ՝ մահացածների մարմիններն ու տուժածներին տեղափոխել են հիվանդանոցներ. նրանց թվում կան կանայք եւ երեխաներ:
Քաբուլի օդանավակայանի մոտակայքում հինգշաբթի երկու պայթյուն է որոտացել, մեկը՝ Baron հյուրանոցից ոչ հեռու, որտեղ, ըստ ԶԼՄ-ների տվյալների, հավաքվում էին օտարերկրացիները, այդ թվում՝ Մեծ Բրիտանիայի եւ ԱՄՆ-ի քաղաքացիներ: Հաղորդվում է, որ առաջին պայթյունը կազմակերպել է մահապարտ ահաբեկիչը, այնուհետեւ ականապատ ավտոմեքենա է պայթել: