ԱՄՆ իշխանությունները կփակեն Նյու Յորքի Metropolitan Correction Center դաշնային բանտը, որը միլիոնատեր մանկապիղծ Ջեֆրի Էփշտեյնի խորհրդավոր մահվան վայրն է, ով ներգրավված էր աշխարհի ազդեցիկ մարդկանց հետ կապերում, գրում է NPR-ը:
Բանտերի դաշնային բյուրոն հայտարարել է, որ օբյեկտում անվտանգության եւ ենթակառուցվածքների հետ կապված մի շարք խախտումներ են գրանցվել: Խնդիրներն արագ լուծելու համար որոշում է կայացվել փակել բանտը, առնվազն՝ ժամանակավորապես: Պարբերականը նշում է, որ դրանում ստուգումները սկսվել էին Էփշտեյնի մահից հետո:
Էփշտեյնը մահացած էր հայտնաբերվել 2019-ի ձերբակալությունից անմիջապես հետո: Պահակները, ովքեր պետք է հետեւեին նրա վարքագծին, բաց էին թողել խցիկների պլանավորված ստուգումը, իսկ մահացածի խցիկի մոտ տեսախցիկների ձայնագրությունները դրանից կարճ ժամանակ անց անհետացել էին. հետաքննությունը դրանք չէր ստացել:
Ֆինանսիստ Էփշտեյնն ավելի վաղ դատապարտվել էր մարմնավաճառության կազմակերպման համար: 2019 թվականին նա ձերբակալվել էր անչափահաս ստրկուհիների թրաֆիքինգի կասկածանքով: Նա սերտ հարաբերություններ ուներ մի շարք հարուստ եւ ազդեցիկ մարդկանց հետ: Մասնավորապես, թագուհի Եղիսաբեթ II որդին՝ արքայազն Էնդրյուն, մեղադրվում է Էփշտեյնի անձնական կղզի մեկնելու մեջ, իսկ Microsoft-ի ղեկավար Բիլ Գեյթսը, իբր, ֆինանսիստի կապերի օգնությամբ փորձել է խաղաղության Նոբելյան մրցանակ ստանալ: