ԵԱՀԿ ՄԽ ռուս նոր համանախագահ Իգոր Խովաեւն այցելել է Բաքու, որտեղ հանդիպել է Ադրբեջանի ԱԳՆ ղեկավար Ջեյհուն Բայրամովի հետ, հաղորդում են ադրբեջանական ԶԼՄ-ները։
Խովաեւը հայտարարել է, որ իր այցն Ադրբեջան ճանաչողական բնույթ է կրում։ Բայրամովը Խովաեւին ծանոթացրել է ադրբեջանական տեսանկյունից տարածաշրջանում տիրող իրավիճակին, Հայաստանի հետ միջազգային իրավունքների սկզբունքների հիման վրա հարաբերությունների հնարավոր կարգավորմանը, ինչպես նաեւ հայտարարել , որ «Հայաստանի ռեւանշիստական դիրքորոշումը որեւէ հեռանկար չունի»։
Կողմերը կարծիքներ են փոխանակել նաեւ եռակողմ հայտարարությունից բխող դրույթների իրականացման, վստահության ամրապնդման շուրջ։