Apple-ը հայտարարել է, որ ութ նահանգներ կներկայացնեն մի գործառույթ, որը թույլ կտա օգտվողներին iPhone-ի համար Apple Wallet-ում ավելացնել վարորդական վկայականներ ու անձը հաստատող փաստաթղթեր, իսկ օդանավակայաններում անվտանգության համար` Apple Watch:
Արիզոնան եւ Ջորջիան առաջին նահանգներն են, որոնք ներդրել են այս գործառույթը, իսկ Կոնեկտիկուտը, Այովան, Կենտուկին, Մերիլենդը, Օկլահոման եւ Յուտան կհետեւեն նրանց օրինակին:
Այս լուրը հայտնվել է ընդամենը մի քանի ամիս անց այն բանից, երբ Apple-ը հայտարարեց, որ Տրանսպորտային անվտանգության վարչակազմի հետ աշխատում է գործառույթի վրա: Այս գործառույթը կարեւոր քայլ է ֆիզիկական դրամապանակները փոխարինելու եւ ճանապարհորդներին ավելի մեծ հարմարավետություն ապահովելու Apple-ի ծրագրում, ասում են ընկերությունում:
Wallet հավելվածում ID-ների ավելացումն աշխատում է կրեդիտ քարտերի եւ երթեւեկության տոմսերի ներբեռնման նման, ասում է Apple-ը: Այն բանից հետո, երբ օգտվողները կսքանավորեն իրենց անձը հաստատող փաստաթուղթը, նրանց նաեւ կխնդրեն կատարել դեմքի եւ գլխի շարժումներ՝ որպես անվտանգության լրացուցիչ միջոց:
