Android-ի ամենաարդյունավետ սմարթֆոնների ցանկում ընդգրկվել են Snapdragon 888+ պրոցեսորով կառուցված նորույթները: Օգոստոսի վարկանիշը հրապարակվել է հայտնի AnTuTu բենչմարկերի կողմից:
Վարկանիշի առաջատարը Xiaomi Black Shark 4 Pro խաղային սմարթֆոնն է՝ հիմնված Snapdragon 888-ի վրա, որը բենչմարկերում վաստակում է 864 614 միավոր: Երկրորդ տեղում է նորագույն Snapdragon 888+-ով iQOO 8 Pro-ն: Առաջատարների տասնյակը կազմում են միայն Qualcomm լավագույն հարթակի սմարթֆոնները:
Միջին հատվածում առաջատարը Xiaomi 11 Youth Edition-ն է, որը հիմնված է 5նմ Snapdragon 780G-ի վրա եւ հավաքել է 530 657 միավոր: Սակայն այս հատվածում ավելի մեծ բազմազանություն կա՝ ցանկում ներառված են MTK-ի եւ HiSilicon-ի չիպերով սմարթֆոններ: