Գերմանացի դատախազները վեց կասկածյալներին մեղադրանք են առաջադրել՝ 2019 թվականին Դրեզդենի թանգարանից 18-րդ թանկարժեք իրերի գողության համար՝ մեղադրելով նրանց կազմակերպված կողոպուտի եւ հրկիզման մեջ, փոխանցել է AP-ն:
22-27 տարեկան Գերմանիայի քաղաքացիները մեղադրվում են 2019 թվականի նոյեմբերի 25-ին քաղաքի արեւելքում գտնվող Կանաչ պահոցի թանգարան ներխուժելու եւ 21 ոսկերչական իրեր գողանալու մեջ, ավելի քան 4.300 ադամանդներով` առնվազն 113.8 միլիոն եվրո ապահովագրական արժեքով:
Դատախազներն ասում են, որ նրանք հրդեհ են կազմակերպել ներխուժումից կարճ ժամանակ առաջ՝ թանգարանի մոտակայքում լուսավորութունն անջատելու համար, ինչպես նաեւ ավտոմեքենա են հրդեհել մոտակա ավտոտնակում՝ նախքան Բեռլին փախչելը:
Թանկարժեք իրերի որոնումները դեռեւս արդյունք չեն տվել:
Green Vault-ը աշխարհի ամենահին թանգարաններից է: Հիմնադրվել է 1723 թվականին եւ այնտեղ է գտնվում Սաքսոնիայի Օգոստոս Հզոր կայսեր գանձարանը, որը պարունակում է ոսկուց, թանկարժեք քարերից եւ այլ նյութերից պատրաստված մոտ 4000 իրեր:
Երկու կասկածյալներ արդեն պատիժ են կրում մեկ այլ խոշոր կողոպուտի մասնակցության համար՝ 2017 թվականին Բեռլինի Բոդե թանգարանից կանադական 100 կիլոգրամանոց ոսկե մետաղադրամի գողության համար: 3.75 միլիոն եվրո գնահատված արժեքով մետաղադրամը չի գտնվել: Իշխանությունները կասկածում են, որ այն, ամենայն հավանականությամբ, բաժանվել է ավելի փոքր մասերի ու վաճառվել:
