Apple-ը մտադիր է սեփական ավտոմեքենայի արտադրությունը սկսել 2024 թվականին: Այս մասին հինգշաբթի հայտարարել է Apple Insider պորտալը, որը նորություններ է ներկայացնում ընկերության արտադրանքի վերաբերյալ:
Դրա տվյալներով` ներկայումս ընկերության ղեկավարությունը հանդիպումներ է անցկացնում ասիական ավտոարտադրողների հետ: Մասնավորապես, Կալիֆոռնիայում գտնվող ընկերությունն անհանգստացած է, թե ինչպես հնարավոր կլինի երաշխավորել Apple Car էլեկտրամոբիլների սերիական արտադրությունը կիսահաղորդիչների միջազգային ճգնաժամի պայմաններում, որոնք հիմք են հանդիսանում բարդ էլեկտրոնիկայի ստեղծման համար, փոխանցում է ՏԱՍՍ-ը:
Ավելի վաղ ամերիկյան ԶԼՄ-ները հայտնել էին, որ Apple-ը մոտ է Hyundai-ի եւ Kia-ի հետ էլեկտրամոբիլների արտադրություն սկսելու պայմանավորվածությանը: Ենթադրվում էր, որ դրանք կարտադրվեն Ուեսթ Փոյնթի Kia գործարանում: Փետրվարի 5-ին Bloomberg-ը հայտնել էր, որ այս թեմայով ընկերությունների միջեւ խորհրդակցությունները դադարեցվել են: