Կիբերանվտանգության ոլորտում մասնագետ Մայք Գրովերը, որը հայտնի է ցանցում MG կեղծանվան ներքո, ստեղծել է Lightning-USB-C կաբելը, որը չի տարբերվում օրիգինալից: Vice-ին տված հարցազրույցում նա պատմել է, որ մալուխը կոտրում է դրան միացված iPhone-ը:
Նշվում է, որ մոդիֆիկացված լարը կատարում է բոլոր անհրաժեշտ գործառույթները՝ լիցքավորում է սմարթֆոնի մարտկոցը, փոխանցում տվյալները համակարգչի եւ սմարթֆոնի միջեւ: Սակայն այն նաեւ ձայնագրում է բոլոր գործողությունները, որոնք իրականացնում է օգտատերը ստեղնաշարի միջոցով:
Մալուխի մեջ ներդրված է նաեւ Wi-Fi հաղորդիչ, որը կարող է հեռավար ուղարկել տվյալներ հանցագործին: Ստանալով զոհի մասին տեղեկատվությունը՝ կիբերհանցագործը կարող է նախապատրաստվել նոր հարձակումներին գաջեթները կոտրելու համար:
MG-ն նշել է, որ այդկերպ ցանկացել է ստեղծել մասնագետների համար հնարավորություն մալուխի ներսում հաքերական առարկաներ տեղադրելու համար: Փորձագետները համարում են, որ համակարգիչների համար USB-C-ով Lightning տարբերակը անհնարին կդարձնի դա փոքր չափսերի պատճառով:
Մասնագետը հավելել է, որ հաղորդիչը կարող է աշխատել ավելի քան 1,6 կմ հեռավորության վրա: Այդպիսի ներթափանցումները հնարավոր են ոչ միայն համակարգչից, սակայն նաեւ սմարթֆոններով կամ պլանշետներով:
