Ավտոմեքենաներ արտադրող գերմանական Porsche-ն Եվրոպայից դուրս իր առաջին գործարանը կբացի Մալայզիայում` Հարավարեւելյան Ասիայի այս երկրում մեծ պահանջարկը բավարարելու նպատակով, հաղորդել է AFP-ն:
Հյուսիսային Քեդահ նահանգի արտադրամասը կիրականացնի տեղական շուկայի համար կոնկրետ մոդելների վերջին հավաքումը:
Մալայզիայի առեւտրի նախարար Ազմին Ալին ասել է, որ այդ քայլը «Porsche-ի ռազմավարական որոշումն է՝ ցույց տալով իր պատրաստակամությունը Հարավարեւելյան Ասիայում երկարաժամկետ ներկայություն ապահովելու համար»:
Ներկայումս մալայզիացիները, ովքեր ցանկանում են Porsche գնել, պետք է բարձր սակագներ վճարեն ներմուծվող ավտոմեքենաների համար: Այլ արտասահմանյան ավտոարտադրողները արդեն վաղուց օգտագործում են Մալայզիայի հավաքման գործարանները` տեղական շուկան սպասարկելու համար:
