Կանադան բացել է սահմանը COVID-19-ի դեմ լիարժեք պատվաստված արտասահմանցիների համար, հաղորդում է ՏԱՍՍ-ը։
Ինչպես ասվում է Կանադայի ԱԳՆ-ի տարածած հայտարարության մեջ, Կանադա կարող են այցելել այլ պետությունների քաղաքացիներ, որոնք պատվաստման լիարժեք կուրս են անցել միայն Pfizer-ի, Moderna-ի, Johnson & Johnson-ի եւ AstraZeneca-ի պատվաստանյութերով երկիր մուտքից առնվազն 14 օր առաջ։ Բացի այդ, զբոսաշրջիկները պետք է մուտքից առնվազն 72 ժամ արված ՊՇՌ-թեստ ունենան, ինչպես նաեւ գրանցվեն ճանապարհորդների համար հատուկ հավելվածում։
ԱԳՆ-ում հստակեցրել են, որ մինչեւ 12 տարեկան երեխաները կարող են առանց պատվաստման մուտք գործել, սակայն պարտադիր պատվաստված ծնողների կամ խնամակալների ուղեկցությամբ։
Տվյալ միջոցները չեն վերաբերվում Հնդկաստանից եւ Մարոկկոյից ուղեւորներին։