ՌԴ արտակարգ իրավիճակների նախարար գեներալ Եվգենի Զինիչեւը մահացել է հայտնի կինոռեժիսոր Ալեքսանդր Մելնիկի հետ միասին, ում փորձում էր փրկել: Ողբերգությունը տեղի է ունեցել Արկտիկայում միջգերատեսչական վարժանքների ժամանակ, փոխանցել է «ՌԻԱ Նովոստի»-ն:
ԱԻՆ տվյալներով՝ կինոռեժիսոր Ալեքսանդր Մելնիկը նոր ֆիլմի նկարահանման վայրեր ընտրելու համար ներկա է գտնվել Կրասնոյարսկի երկրամասում անցկացվող վարժանքներին:
Նա ընկել է ժայռից, իսկ Զինիչեւը նետվել է նրան փրկելու: Ականատեսների վկայությամբ՝ նա բախվել է ժայռի ելուստին: Երկուսին ծանր վնասվածքներով տեղափոխել են հիվանդանոց, սակայն նրանք ուղղաթիռում մահացել են: