Վրաստանում սեպտեմբերի 13-ից մեկնարկում է պատվաստված քաղաքացիների խրախուսական վիճակախաղի խաղարկությունը:
Վիճակախաղի ընկերությունն ամեն օր պատահական հիմունքներով դրամական պարգեւներ կխաղարկի պատվաստված անձանց համար: Վիճակախաղի ընդհանուր մրցանակային ֆոնդը 2 միլիոն 800 հազար լարի է:
Վիճակախաղը խաղարկվելու է ամեն օր մինչեւ տարեվերջ: Բացի ամենօրյա վիճակախաղերից, կլինեն նաեւ շաբաթական եզրափակիչ վիճակահանություններ: Խաղարկությունները կսկսվեն հարյուր լարիից:
Ամեն օր խաղարկվելու է հարյուրից մինչեւ 500 լարի, իսկ ամեն շաբաթ՝ 1, 1.5 եւ 10 հազար:
Վերջնական խաղարկությունը տեղի կունենա տարեվերջին, եւ դրա մրցանակային ֆոնդը կկազմի հարյուր հազար լարի:
Վիճակախաղերի ընկերությանը հասանելի կլինեն Հիվանդությունների վերահսկման կենտրոնները, որտեղ նույնականացված են պատվաստանյութի մեկ կամ երկու դեղաչափով պատվաստված բոլոր անձինք: