Ոչ ոք ոչ ոքի ոչինչ չի հանձնել: Այս մասին NEWS.am-ի թղթակցի հետ զրույցում ասաց իշխող «Քաղաքացիական պայմանագիր» կուսակցության պատգամավոր Արթուր Հովհաննիսյանը՝ մեկնաբանելով իրավիճակը Սյունիքի մարզում:
Նա կոչ արեց հրաժարվել նման տերմինաբանության օգտագործումից, քանի որ, իր կարծիքով, դա ձեռնտու է միայն ադրբեջանական լրատվամիջոցներին եւ Ադրբեջանի ռազմաքաղաքական ղեկավարությանը:
Պատգամավորը հավելեց, որ այլ տեղեկություններ, բացի Հայաստանի Ազգային անվտանգության ծառայության տրամադրած տեղեկատվությունից, չի կարելի համարել այնպիսին, որը կարելի է հրապարակել: «Երբ նման տեղեկատվություն լինի, հասարակությունը տեղյակ կլինի դրա մասին: Տեղեկատվությունը միշտ տրամադրվում է հանրությանը: Պատերազմը վերջերս է ավարտվել, ուստի կան անվտանգության հետ կապված խնդիրներ, որոնց մասին մենք բոլորս գիտենք: Բոլորս էլ գիտենք, որ այս խնդիրների լուծման ուղղությամբ աշխատանքներ են տարվում: Մինչեւ այդ խնդիրները չլուծվեն, մենք ստիպված ենք բախվել իրավիճակների, որոնք լուծվում են բանակցությունների միջոցով: Եթե իրավիճակը փոխվի, հանրությունը կտեղեկացվի այդ մասին»,- վստահեցրեց Հովհաննիսյանը:
Նա ընդգծեց, որ եռակողմ աշխատանք է ընթանում, այդ թվում՝ ԵԱՀԿ Մինսկի խմբի շրջանակներում բանակցությունների վերսկսման ուղղությամբ: «Կառավարության ծրագրի նպատակներից մեկն է հասնել խաղաղության եւ անել մեզնից կախված ամեն ինր: Դրա շրջանակներում մենք կանենք ամեն ինչ, որպեսզի հայ ժողովուրդը ապրի խաղաղ, առանց պատերազմի եւ ոչ մի դեպքում՝ իր անկախության հաշվին: Մենք քարոզչություն չենք իրականացնում հանուն խաղաղության, ի թիվս այլ բաների, մենք ձգտում ենք զսպել ագրեսոր երկրներին միջազգային իրավական եւ քաղաքական գործիքներով եւ խաղաղություն բերել տարածաշրջանին, ինչը ձեռնտու է բոլորին: Այս ուղղությամբ աշխատանքներ են տարվում: Այո, մենք գործ ունենք ագրեսոր հարեւանի հետ: Մենք պետք է սա հաշվի առնենք, ամրապնդենք պետությունը, հանրային, տեղեկատվական ու քաղաքական միասնություն ցուցաբերենք»,- եզրափակեց պատգամավորը: