Ինչու եք ուզում ես ԱԱԾ տարածած հաղորդագրությունն ընթերցեմ. Այս թեմայով բավականին խոսվել է եւ ՀՀ քաղաքացին իրականությանը տիրապետում է: Այս մասին այսօր՝ սեպտեմբերի 13-ին, ԱԺ-ում NEWS.am-ի հետ զրույցում նշեց ԱԺ ՔՊ խմբակցության պատգամավոր Վաղարշակ Հակոբյանը՝ անդրադառնալով նրան, Գորիս-Կապան մայրուղու Որոտանի հատվածում ադրբեջանցիները կանգնեցնում եւ փող են գանձում իրանական բեռնատարներից, եւ ընդդիմադիրների մեղադրանքներին, որ Գորիս-Կապան մայրուղին հանձնել է թշնամուն:
«Պատկան մարմինները զբաղվում են իրենց գործով եւ իրավիճակի վերլուծությունը ներկայացված է հանրությանը»,-ասաց նա:
Հարցին, թե արդյոք իշխող խմբակցությունը կողմ է ընդդիմադիրների առաջարկին՝ այս թեմայով փակ քննարկում անցկացնել ԱԺ-ում, որին կմասնակցեն պատկամ մարմինների ղեկավարները, ՔՊ-ական պատգամավորն ասաց. «Ես ոչ մի վատ բան չեմ տեսնում դրա մեջ: Ընդհակառակը, չէր խանգարի, որ փակ ֆորմատով, այն մարդկանց ներկայությամբ, որոնք ունեն գաղտնիության թույլտվություն, մենք կազմակերպեինք այդ քննարկումը: Բայց, իհարկե, որոշումըԱԺ ղեկավարությանն ու ընդդիմությանն է: Այն ֆորմատը, որով կլինի քննարկումը եւ կկայացվի որոշումը, կբխի բոլորիս շահերից:
