Երեւանում այսօր՝ սեպտեմբերի 14-ին, անցկացվում է հայ-ուկրաինական միջկառավարական հանձնաժողովի 8-րդ նիստը։

Նիստին կմասնակցեն ՀՀ էկոնոմիկայի նախարար Վահան Քերոբյանը, Ուկրաինայի սոցիալական քաղաքականության նախարար Մարինա Լազեբնայան, դեսպանները, այլ պաշտոնյաներ երկու երկրներից։

Ծրագրվում է քննարկել երկկողմ տնտեսական համագործակցության հարցերը։

Նշենք, որ 2021 թվականի առաջին կիսամյակում Հայաստանի եւ Ուկրաինայի միջեւ առեւտրաշրջանառությունը անցած տարվա նույն ժամանակաշրջանի հետ համեմատ նվազել է 3 տոկոսով՝ կազմելով 67,1 մլն դոլար։