Սեպտեմբերի 13-ին, ժամը 22:00-ի սահմաններում, ՀՀ հարավ-արևելյան ուղղությամբ տեղակայված մարտական հենակետերից մեկում տեղի ունեցած միջադեպի հետեւանքով մեկ զինծառայող մահացել է, եւս մեկը վիրավոր է: Այս տեղեկությունը NEWS.am-ի հետ զրույցում հաստատեցին Հայաստանի պաշտպանության նախարարությունից:
ՊՆ-ից նաեւ հայտնեցին, որ վիրավոր զինծառայողի առողջական վիճակի մասին տեղեկություններ կհաղորդեն ավելի ուշ:
Ավելի վաղ ՊՆ-ն հայտնել էր, որ նախնական տվյալներով` մարտական ծառայության կազմակերպման կանոնների խախտման հետևանքով մահացու հրազենային վիրավորում է ստացել պահեստազորի սերժանտ, 1978թ. ծնված Մկրտիչ Սերյոժայի Հովակիմյանը:
Նշենք, որ մամուլի տեղեկությունների համաձայն, տեղի ունեցած դեպքի պատճառը կրկին միջանձնային հարաբերություններն են եղել, որի հետեւանքով էլ կրակել են միմյանց վրա:
