News
Լրահոս
News
Կիրակի
Հոկտեմբեր 17
Տեսնել լրահոսը

ԱՄՆ կառավարությունն աջակցում է Հայաստանի՝ կոռուպցիայի դեմ պաքարի ուղղությամբ ներդվող ջանքերին՝ այդ նպատակով ԱՄՆ Միջազգային զարգացման գործակալության միջոցով հատկացնելով 9․5 միլիոն դոլար։  Այս մասին այսօր հայտարարվել է «Հայաստանի բարեվարքություն» ծրագրի մեկնարկի մասին ազդարարող «Հայաստանի հակակոռուպցիոն քաղաքականության առաջնահերթություններ» համաժողովի ընթացքում, որին մասնակցել է նաև արդարադատության նախարարի տեղակալ Սուրեն Գրիգորյանը։

ԱՆ-ից NEWS.am-ին հայտնում են, որ Ծրագիրը նպատակ ունի նվազեցնել կոռուպցիոն հնարավորությունները և Հայաստանում ամրապնդել կառավարման և հաշվետվողականության բարելավման հասարակական պահանջը:

Ծրագրի մեկնարկին ներկա են եղել նաև Հայաստանում ԱՄՆ արտակարգ և լիազոր  դեսպան Լին Թրեյսին,  Կոռուպցիայի կանխարգելման հանձնաժողովի նախագահ Հայկուհի Հարությունյանը, պատգամավորներ, քաղհասարակության ներկայացուցիչներ, այլք:

Փոխնախարար Գրիգորյանը բացման խոսքում շնորհակալություն է հայտնել հրավերի համար և Արդարադատության նախարարության անունից ողջունել է ծրագրի մեկնարկի կապակցությամբ:

Հակակոռուպցիոն քաղաքականության ինստիտուցիոնալ համակարգի զարգացման համատեքստում փոխնախարարը ներկայացրել է Հակակոռուպցիոն կոմիտեի ձևավորման ընթացակարգը, կոռուպցիոն բնույթի հանցագործությունների քրեական վարույթի օրինականության նկատմամբ դատախազական հսկողության կանոնակարգումը, ինչպես նաև հակակոռուպցիոն դատարանի կազմավորման գործընթացը:

Սուրեն Գրիգորյանն անդրադարձել է նաև կոռուպցիայի կանխարգելման ուղղությամբ վերջին ժամանակահատվածում իրականացված աշխատանքներին՝  նշելով, որ   հայտարարագրման համակարգի բերելավման արդյունքում ընդլայնվել է հայտարարատու անձանց շրջանակը, ներդրվել է կատարված ծախսերի և փաստացի տիրապետվող գույքի հայտարարագրման պահանջ, նվազեցվել է թանկարժեք գույքի հայտարարագրման դրամական շեմը՝ 8 մլն.-ի փոխարեն սահմանվելով 4 մլն դրամ: Ընդգծվել է նաև իրավաբանական անձանց իրական շահառուների բացահայտման նպատակով ընդունված օրենսդրական փաթեթը, ըստ որի՝ փուլ առ փուլ ներդրվելու է իրական շահառուների բացահայտման պահանջ:

Ամփոփելով խոսքը` Սուրեն Գրիգորյանը հակակոռուպցիոն քաղաքականության առաջնահերթությունների շրջանակում հավելել է նաև կրթությունը, հանրային իրազեկման ծրագրերի իրականացումը և կոռուպցիոն հանցագործությունների արդյունավետ բացահայտման համար անհրաժեշտ գործիքակազմերի ներդրումը:

Տպել
Կարդացեք նաև
Ամբողջը
«Հրապարակ». Մակունցի հետ հանդիպմանն ընդամենը 10 մարդ է եկել
Մակունցն իր թվիթերյան էջում նշել է, որ հանդիպել է ասոցիացիայի...
«Պատիվ ունեմ» խմբակցության պատգամավորները հանդիպել են Հայաստանում ԱՄՆ դեսպանին
Հանդիպման ընթացքում քննարկվել են անվտանգային, ներքաղաքական, ինչպես նաև...
ԱՄՆ դեսպանության հյուպատոսական ծառայությունը դեռևս չի կարող վերսկսել վիզաների տրամադրման բնականոն ծառայությունները
Նոր կորոնավիրուսով պայմանավորված՝ Հյուպատոսական ծառայությունը դեռևս չի...
Ամերիկայի հայկական համագումարը հորդորում է ԱՄՆ-ին մերժել F-16 կործանիչներ գնելու վերաբերյալ Թուրքիայի դիմումը
Ըստ բազմաթիվ լրատվամիջոցների, միլիարդավոր դոլարների գործարքը գտնվում է Արտաքին ռազմական վաճառքի գործընթացում...
ԱՄՆ դեսպանատունն այսօր չի աշխատում
Տոնի կապակցությամբ երկուշաբթի օրը՝ հոկտեմբերի 11-ին, դեսպանությունում...
ՀԱՀ-ը կհիմնի Մեդիա լաբ ԱՄՆ ՄԶԳ «Ամերիկյան դպրոցներ և հիվանդանոցներ արտասահմանում» ծրագրի աջակցությամբ
Որպես 21-րդ դարի ամերիկյան կրթական հաստատություն, ՀԱՀ–ն իր առաքելության...
Ամենաշատ