Գորիսի փոխհամայնքապետ Կարեն Քոչարյանը երեկ՝ սեպտեմբերի 15–ին, հայ վարորդներից ահազանգեր է ստացել, որ Որոտանի հատվածում, ադրբեջանցի ոստիկանները կանգնեցրել են իրենց, ստուգել փաստաթղթերն ու բեռնատարները։
«Սա չճշտված տվյալ է, մենք ճշտում ենք այս տեղեկությունը, ես չեմ կարող պնդել, որ դա եղել է։ Ահազանգ ենք ստացել եւ ճշտումներ ենք անում այդ մասին»,– ասաց Կարեն Քոչարյանը։
Հիշեցնենք՝ Որոտանի հատվածում ոստիկանական անցակետ տեղադրելուց հետո, ադրբեջանցիներն արդեն մի քնաի օր է՝ կանգնեցնում են Իրանից եկող բեռնատարների վարորդներին, ստուգում նրանց ու գումար գանձում եւ հետո միայն թողնում ճանապարհը շարունակել։ Այսօր էլ հայտնի դարձավ, որ ադրբեջանցիները ձերբակալել են երկու իրանցի վարորդի։
