Աֆղանստանում արտասահմանյան վիզաների սեւ շուկա է հայտնվել, հաղորդում է TOLO News-ը։
Քաբուլի բնակիչ Մոհամադ Հարունը պատմել է, որ ինքը պակիստանյան վիզա ունի, սակայն իրեն արգելել են Պակիստան մուտք գործել, երբ փորձել է հատել աֆղանապակիստանյան սահմանը։
Նման «անցաթուղթ» կարելի է ձեռք բերել 200-300 դոլարով։
«Տաջիկստանում վիզաների պաշտոնական արժեքը կազմում է 60 դոլար, սեւ շուկայում վաճառում են 350-400 դոլարով։ Ուզբեկստանում վիաների գինը կարող է արժենալ 1350 դոլար»,-ասել է Քաբուլում տուրիստական ընկերություններից մեկի տնօրեն Շաֆի Սամիմին։
Սեւ շուկան լիկվիդացնելու համար աֆղանստանցիները կոչ են անում արտասահմանյան պետություններին բացել իրենց դեսպանատները։
