Սեպտեմբերի 15-ին ոստիկանության Հրազդանի բաժին հաղորդում է ստացվել, որ Հրազդան քաղաքում «Ֆորդ» մակնիշի ավտոմեքենա են առևանգել, ապա Միկրոշրջան թաղամասում վթարի են ենթարկվել։
Ոստիկանությունից NEWS.am-ին հայտնում են, որ դեպքի վայր են մեկնել օպերատիվ խմբի ծառայողներ։ Պարզվել է, որ ժամը 11.00-ի սահմաններում Հրազդանի 54-ամյա բնակիչը, օգտվելով մեքենայի դուռը` բաց, իսկ բանալին մեքենայում լինելու հանգամանքից, փախցրել է այն, ինչից հետո մեքենան բախվել է մեկ այլ «Ֆորդի»:
Ձեռնարկված միջոցառումների շնորհիվ 54-ամյա տղամարդը բերման է ենթարկվել բաժին և տվել խոստովանական բացատրություն:
«Ֆորդ» ավտոմեքենաները տեղափոխվել են ոստիկանության Հրազդանի բաժնի պահպանվող հատուկ տարածք:
Կատարվում է քննություն:
