News
Լրահոս
News
Կիրակի
Հունիս 16
Տեսնել լրահոսը

Չեմ կարծում, թե Բելառուսը որեւէ մեկին նախապատվություն է տալիս: Այս մասին NEWS.am-ի թղթակցի հետ զրույցում ասաց Հայաստանում Բելառուսի արտակարգ եւ լիազոր դեսպան Ալեքսանդր Կոնյուկը՝ պատասխանելով այն հարցին, թե արդյոք համագործակցություն հաստատելիս Բելառուսը Հայաստանին կամ Ադրբեջանին նախապատվություն է տալիս:

«Մեր նախագահը շատ ուրախ էր, երբ պատերազմն ավարտվեց: Սա նրա դիրքորոշումն է: Նա շատ ուրախ էր, երբ հակամարտությունն ավարտվեց: Դա շատ կարեւոր էր բոլոր կողմերի համար»,- ասաց դեսպանը:

Նրա խոսքով, այսօր Բելառուսի եւ Հայաստանի միջեւ որեւէ խնդիր չկա` ո՛չ քաղաքական, ո՛չ տնտեսական ոլորտում:

Ալեքսանդր Կոնյուկը բացատրեց, որ համագործակցության ընդլայնման համար նույնպես խոչընդոտներ չկան, իսկ առկա արգելքները աստիճանաբար կվերանան:

«Ես մտադիր եմ բոլոր ջանքերը գործադրել՝ երկրների միջեւ առեւտրաշրջանառությունը մեծացնելու համար: Համոզված եմ, որ արտադրանքի մատակարարման պայմանագրեր կկնքվեն: Ես ինքս եղել եմ մի քանի շատ խոշոր ցանցային ընկերություններում, որոնք հետաքրքրված են բելառուսական արտադրանքի մատակարարման հարցում»,- հավելեց նա:

Դեսպանն ընդգծեց, որ «ARMENIA EXPO - 2021» ֆորումի ցուցահանդեսի կարեւորությունը դժվար է գերագնահատել, քանի որ համավարակի ժամանակ դրա անցկացումը բարձրացնում է մարդկանց տրամադրությունը, ինչպես նաեւ համագործակցության հաստատման հնարավորություններ է ստեղծում:

«Բելառուսը համաժողովին ներկայացված է 11 ընկերություններով, որոնք զբաղվում են նաեւ գյուղտեխնիկայի, գյուղմթերքի եւ մետալուրգիական արտադրությամբ: Հայկական ընկերությունների հետ կնքվում են կոնկրետ պայմանավորվածություններ: Ես մի քանի անգամ հանդիպել եմ Արմավիրի մարզպետի հետ, եւ նա հետաքրքրություն է ցուցաբերել բելառուսական գյուղտեխնիկայի ձեռքբերման հարցում»,- ընդգծեց Ալեքսանդր Կոնյուկը:

Նշենք, որ Հայաստանում Բելառուսի արտակարգ եւ լիազոր դեսպան Ալեքսանդր Կոնյուկի հետ զրույցը տեղի ունեցավ «ARMENIA EXPO - 2021» 20-րդ ունիվերսալ առեւտրա-արդյունաբերական ցուցահանդեսի համաժողովի բացումից հետո, որտեղ ներկայացված են նաեւ բելառուսական ընկերությունները:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Զոհված զինծառայողների ծնողներին մինչև 3 տարեկան երեխայի աջակցության ծրագրի շահառուների թիվը ավելացվել 50-ով
Կառավարությունն իր այսօրվա՝ հունիսի 14-ի նիստում որոշեց անհայտ բացակայող կամ…
ՀԱՊԿ-ը ԼՂ հակամարտության իրավիճակում ցույց տվեց այն թույլ կողմերը, որոնք բնորոշ էին այդ կառույցին. Տրենին
Նա հավելել է, որ Ռուսաստանը չի պարտադրում իր տեսակետը ՀԱՊԿ-ի շրջանակներում...
Աննա Հակոբյանը հանդիպել է պատերազմի հետևանքով հաշմանդամության կարգ ստացած զինվորների հետ
Հունիսի 10-ին «Իմ Քայլը» հիմնադրամի գործադիր տնօրեն Աննա Հակոբյանը...
Եթե նա հրապարակային չհերքի այս սուտը, ես կդիմեմ պատկան մարմիններին․ Արմեն Փամբուխչյանը՝ Նաիրի Հոխիկյանին
Երևանի փոխքաղաքապետ Արմեն Փամբուխչյանը«Ֆեյսբուք»-ի իր էջում պահանջում է...
Ծնվել է 44-օրյա պատերազմում զոհված Գևորգ Ջավախյանի եղբայրը
Այսօր ծնվել է Արցախյան երրորդ պատերազմում զոհված Գևորգ Ջավախյանի...
Անհայտ կորած 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ հունիսի 6-ի նիստում որոշում կայացրեց, որով…
Ամենաշատ
Ֆոտոռեպորտաժներ