Քիչ առաջ ոստիկանության Թալինի բաժնի ծառայողները ոստիկանության Թալինի բաժին են հրավիրել Թալին քաղաքի բնակիչ Ենոք Սարգսյանին։
Shamshyan.com-ի հաղորդմամբ, Թալինի ոստիկանները օպերատիվ տեղեկություններ էին ստացել, որ Երևան-Գյումրի ավտոճանապարհի՝ Թալինի վարչական տարածքում՝ դաշտամիջյան հատվածում, կրակոցներ են հնչել։
Նշված վայր ժամանած ոստիկանները ճանապարհից բավականին հեռավորության վրա նկատել են այդ քաղաքացուն, ով եղել է որսորդական հրացանով, ապա նրան հրավիրել են ոստիկանություն։ Տեղում պարզվել է նրա ինքնությունը, ինչպես նաև հրացանը եղել է Ե. Սարգսյանի անվամբ՝ օրինական, սակայն նա հետաքրքրությունից դրդված կրակոցներ է արձակել։
Փաստի առթիվ ոստիկանության Թալինի բաժնում հանգամանքները պարզվում են։
