Մարիուպոլում՝ Դոնեցկի մարզում, սեպտեմբերի 17-ին տեղի է ունեցել ուկրաինացի եւ հայ ժողովուրդների անմեղ զոհերին նվիրված հայկական խաչքարի բացման եւ օծման արարողությունը, հաղորդում է AnalitikaUA.net-ը:
Խաչքարի օծումը կատարել է հայր Յուսիկ Նուրիջանյանը:
Արարողությանը ներկա են եղել նաեւ Ուկրաինայի հայերի միության նախագահի տեղակալ Դավիթ Մկրտչյանը եւ Դոնեցկի մարզում Ուկրաինայի հայերի միության ներկայացուցիչ Ռուբեն Մակարյանը, տեղական իշխանությունների ներկայացուցիչներ, հոգեւորականներ, ինչպես նաեւ հյուրեր հայկական համայնքներից:
Ուկրաինայի հայերի միության փոխնախագահ Դավիթ Մկրտչյանը նշել է, որ «նույնիսկ 21 -րդ դարում հակամարտությունների հետեւանքով չի կարելի խուսափել անմեղ զոհերից»:
