Կառավարությունում նստած էդ անձնավորությունը բոլորիս կյանքը սարքել է անգույն, սեւ, ինքն ուզում է գունագեղ հրավառություն անել. Դա չի ստացվի: Այս մասին, Հանրապետության հրապարակում լրագրողների հետ զրույցում նշեց 44-օրյա պետարոեզմում զոհված զինծառայողներից մեկի հայրը:
Նշենք, որ զոհված զինծառայողների ծնողները իրենց զոհված զավակների, հարազատների նկարներով հավաքվել են Հանրապետության հրապարակում՝ համերգի համար տեղադրվող բեմի դիմաց, որպեսզի պահանջենք կառավարությունից չեղյալ հայտարարել սեպտեմբերի 21-ին նախատեսված համերգը:
«Թող գնա Որոտանում, որ տվել է թուրքին, էնտեղ թուրքերի հետ գունավոր հրավառություն անի: Ինքն արդեն Որոտանի անունը փոխեց, թուրքական անունն են տալիս: Մենք թույլ չենք տա: Պատերազմն իրենք բերեցին, մեր երեխեքին թիկունքից իրենք խփեցին»,-ասաց նա:
Զոհված զինծառայողներից մեկի քույրն էլ նշեց, որ բացի իր եղբորից կորցրել է նաեւ շատ ընկերներ պատերազմում. «Կորցրել եմ նաեւ իմ հայրենի քաղաքը, որտեղ իմ 20 տարիներն եմ անցկացրել: Իմ եղբայրն էլ, որ իր քաղաքն է պաշտպանել, այսօր դարձավ առ ոչինչ: Ներկա իշխանությունը փորձում է բոլորի հիշատակը պղծել՝ ասելով, որ նրանց հիշատակի առիթվ կազմակերպում են գունագեղ տոնախմբություն: Թող ինչ ուզում են անեն, բայց առանց զոհերի հիշատակը պղծելու: Անկախության օրը պետք էր նշել լուռ, համեստ»,-ասաց նա:
Դիտարկմանը, որ Նիկոլ Փաշինյանը ներողություն է խնդրել «գունագեղ» բառի համար, նա ասաց. «Նիկոլ Փաշինայանը երկրի ղեկավարն է, ինչպես կարող է ամեն անգամ մի բան դուրս տալ, հետո ներողություն խնդրել:
Վաղվանից սկսելու ենք ավելի մեծամասշտաբ ակցիաներ անել, հավաքել ժողովրդի մտահոգ մասային: Ժամը ժամը 3-ից Շառլ Ազնավուրի հրապարակից մեկնարկելու եբն մեր բողոքի ակցիաները»:
