News
Լրահոս
News
Հինգշաբթի
Հոկտեմբեր 21
Տեսնել լրահոսը

Տարբեր երկրներից հետազոտողներից կազմված խումբը պարզել է, որ Եվրասիայում Յամնայա մշակույթի ներկայացուցիչների զանգվածային գաղթերը կարող են կապված լինել նրանց կողմից կաթնամթերքի օգտագործման սկզբի հետ: Հետազոտությունը հրապարակվել է Nature ամսագրում:

Յամնայա մշակույթի անասնապահները առաջիններից էին, ովքեր հաստատվել են Եվրասիայի տափաստաններում: Սամարայի համալսարանի գիտնականները Ռուսաստանի, Ղազախստանի, Գերմանիայի, Շվեյցարիայի եւ ԱՄՆ-ի գիտնականների հետ միասին վերլուծել են Պոնտա–Կասպիական տափաստանում էնեոլիթի (մ.թ.ա. 4600-3300 թթ.), վաղ (մ.թ.ա. 3300-2500 թթ.) եւ միջին բրոնզի (մ.թ.ա. 2500-1700 թթ.) դարաշրջաններում ապրած 56 մարդու ծնոտի մնացորդների ատամնաքարերի սպիտակուցների ամբողջությունը:  

Էնեոլիթի շրջանի մարդկանց ավելի քան 90 տոկոսի մոտ բացակայել են կաթնամթերքի օգտագործման հետքերը: Իսկ վաղ բրոնզի դարաշրջանի մարդկանց ճնշող մեծամասնությունը, անկասկած, կաթ է խմել եւ օգտագործել է կաթից պատրաստվող մթերքներ:

«Տարբեր տեսակների կաթի սպիտակուցների կազմի տարբերությունները աննշան են: Այնուամենայնիվ, դրանք կարող են մեզ թույլ տալ պարզել, թե որ կենդանիներից է ստացվել նրանց օգտագործած կաթը», - բացատրել է հետազոտության հեղինակ Շեւան Վիլկինը: Պարզվել է, որ բացի կովերի, ոչխարների եւ այծերի կաթից, մարդիկ խմել են նաեւ ձիու կաթ:

Սպիտակուցներով հարուստ կաթը, որը նաեւ հեղուկի լրացուցիչ աղբյուր էր, կարեւոր նշանակություն է ունեցել չոր տափաստաններում եւ հնարավորություն է տվել գաղթել այդ տափաստաններով:

!
Այս նյութը հասանելի է նաև   Русский
Տպել
Ամենաշատ